最終心水我揀廖康銘，主要貪佢七駒實力都平均，計實力沒有一駒特別超卓，但也沒有一駒特別差，統統都有機會幫手爭分。

亨利拆局│練馬師王吼廖康銘

更新時間：02:00 2025-09-10 HKT
發佈時間：02:00 2025-09-10 HKT

上期沙田開鑼，由出馬最多的文家良封王，原來是有的放矢！此外，黎昭昇和鄭俊偉各自起孖也成焦點，尤其後者在上季尾已有中興味道，短期內要吼實。而向來慢熱的蔡約翰也奪1W2P，暫時睇似是上季攻勢之延伸，但要睇多兩三個回合才下定論。

上次有八倉開齋，餘下十四個馬房料會不甘後人，今期文廄布陣由強變弱，練馬師王揀唔到。其餘軍力似樣有沈、東、希、廖、伍、巫、偉、方，全部出馬五駒或以上。上季已多次指出，谷草封王要求一般偏低，只要三隻重心已夠爭，何況今次跑八場，隨時低分封王。最終心水我揀廖康銘，主要貪佢七駒實力都平均，計實力沒有一駒特別超卓，但也沒有一駒特別差，統統都有機會幫手爭分。

重點爭分馬方面，「超勁火力」重返五班有惡氣，唯一顧慮是歇暑後跌磅，希望仍憑班利取勝；「快樂寶寶」上季尾逐有進展，此系馬四歲大熟，而且成功率高，博佢轉歲即拼；「一生好彩」有千四級數，放諸今組夠用。

目標：

賠率：4.25

全日惡馬第一場：超勁火力

練馬師王最佳投注時機：第一場前

↓立即下載星島頭條App↓