前TVB「金牌惡爺」自爆被騙百萬：前世欠咗佢 狠批富二代演員「玩票性質唔捱得」
發佈時間：09:00 2025-09-08 HKT
70年代資深藝人曾偉明因為「惡形惡相」的關係，入行多年飾演不少惡爺角色，曾被封為「金牌惡爺」。曾偉明當年報考完佳藝電視武術演員訓練班後，再報讀TVB第七期藝員訓練班，畢業成為TVB藝員，在1979年至1981年間成為《歡樂今宵》班底，直至1991年約滿離巢。
曾偉明被爆曾被騙過百萬元
曾偉明之後轉投亞視，出演劇集《再見艷陽天》，與秦沛、陳秀雯合作，現時已處於半退休狀態。出任村長幫助居民，閒時釣魚打發時間。曾偉明近日為楊紹鴻的YouTube節目做嘉賓，在節目上曾偉明被爆曾被騙過百萬元，但他沒有動怒，輕描淡寫說：「我好信命運，人係好玄，點解咁多人唔呃要呃你，咪前世欠咗佢。」
相關閱讀：72歲《歡樂今宵》甘草近照曝光！面色紅潤狀態佳 曾做村長獲亞視高薪挖角
曾偉明目前現處於半退休狀態
曾偉明目前現處於半退休狀態，參與的作品不多，他感慨新一代演員多是富二代不能捱苦：「我未退休，你知而家呢行唔係用嚟搵食，我發覺而家好多都係富二代，要嚟出名，唔係好似我哋以前咁用嚟生活，養妻活兒。佢哋啲年青人喺鏡頭前唔係話唔認真，但係玩票性質，冇我哋以前咁捱日捱夜，心態好似玩玩吓。你知道而家啲新人就是要靠個樣子， 可能而家啲觀眾品味又改變咗，以前觀眾去追劇集，一追就有幾十集，而家嗰啲平台短片，得嗰幾分鐘，邊會理你識唔識做戲，睇個樣就得。」曾偉明甚至覺得電視已經變為夕陽工業：「可能而家啲人唔係當工作，只係玩票，唔鍾意就唔做，鍾意就同你玩吓，辛苦啲又唔做，呢啲叫三不做，點樣令劇集成功？我哋以前拍一場戲隨時打足三日三夜，而家叫佢哋打10幾招，都會話唔識打，要搵替身。」
曾偉明一個「義」字被朋友呃錢
入行超過40年的曾偉明相識滿天下，但原來他都曾被朋友呃錢，因為一個「義」字累死，曾偉明說：「嗰陣呢套戲畀人感覺係慈善的電影，所以呢個電影嘅出發係為慈善，（但係你畀人呃咗過百萬？）咁又唔係呃，其實我係拎錢上嚟幫吓佢，佢話有錢就還返畀我，事後我知道原來係畀人呃咗，我相信係命運，我又好玄，點解咁多人唔呃而呃你呢？咪前世欠咗佢囉，不過我而家冇借錢畀人嘅能力。」曾偉明多年來被稱為村長，但他竟然說：「千祈唔好叫村長，好多人以為村長好有錢，有啲人真係為村民，我有好嘢都係捱返嚟。」現時曾偉明處於半退休狀態，出任村長幫助居民，閒時釣魚打發時間，他曾說：「而家阿仔都好乖，佢都明白我返工辛苦，自己未讀過大學，佢要幫我完成心願。太太係我嘅初戀，咁多年來都未試過有女伴角色，只係拍打戲多，所以老婆唔會怕我戲假情真，都冇機會來真！」至於會否復出拍戲？曾偉明笑說：「好難講，睇下係乜嘢角色，我想做主角，只係未遇到一個真真正正可以提升你嘅演技，可以發揮你潛能嘅這樣的劇本。」
相關閱讀：50年代童星身上一特徵77年不變？自認長情願為家庭暫別娛樂圈 曾受耳患困擾聽力只剩六成
