前TVB「金牌恶爷」自爆被骗百万：前世欠咗佢 狠批富二代演员「玩票性质唔挨得」
发布时间：09:00 2025-09-08 HKT
70年代资深艺人曾伟明因为「恶形恶相」的关系，入行多年饰演不少恶爷角色，曾被封为「金牌恶爷」。曾伟明当年报考完佳艺电视武术演员训练班后，再报读TVB第七期艺员训练班，毕业成为TVB艺员，在1979年至1981年间成为《欢乐今宵》班底，直至1991年约满离巢。
曾伟明被爆曾被骗过百万元
曾伟明之后转投亚视，出演剧集《再见艳阳天》，与秦沛、陈秀雯合作，现时已处于半退休状态。出任村长帮助居民，闲时钓鱼打发时间。曾伟明近日为杨绍鸿的YouTube节目做嘉宾，在节目上曾伟明被爆曾被骗过百万元，但他没有动怒，轻描淡写说：「我好信命运，人系好玄，点解咁多人唔呃要呃你，咪前世欠咗佢。」
相关阅读：72岁《欢乐今宵》甘草近照曝光！面色红润状态佳 曾做村长获亚视高薪挖角
曾伟明目前现处于半退休状态
曾伟明目前现处于半退休状态，参与的作品不多，他感慨新一代演员多是富二代不能挨苦：「我未退休，你知而家呢行唔系用嚟揾食，我发觉而家好多都系富二代，要嚟出名，唔系好似我哋以前咁用嚟生活，养妻活儿。佢哋啲年青人喺镜头前唔系话唔认真，但系玩票性质，冇我哋以前咁挨日挨夜，心态好似玩玩吓。你知道而家啲新人就是要靠个样子， 可能而家啲观众品味又改变咗，以前观众去追剧集，一追就有几十集，而家𠮶啲平台短片，得𠮶几分钟，边会理你识唔识做戏，睇个样就得。」曾伟明甚至觉得电视已经变为夕阳工业：「可能而家啲人唔系当工作，只系玩票，唔钟意就唔做，钟意就同你玩吓，辛苦啲又唔做，呢啲叫三不做，点样令剧集成功？我哋以前拍一场戏随时打足三日三夜，而家叫佢哋打10几招，都会话唔识打，要揾替身。」
曾伟明一个「义」字被朋友呃钱
入行超过40年的曾伟明相识满天下，但原来他都曾被朋友呃钱，因为一个「义」字累死，曾伟明说：「𠮶阵呢套戏畀人感觉系慈善的电影，所以呢个电影嘅出发系为慈善，（但系你畀人呃咗过百万？）咁又唔系呃，其实我系拎钱上嚟帮吓佢，佢话有钱就还返畀我，事后我知道原来系畀人呃咗，我相信系命运，我又好玄，点解咁多人唔呃而呃你呢？咪前世欠咗佢啰，不过我而家冇借钱畀人嘅能力。」曾伟明多年来被称为村长，但他竟然说：「千祈唔好叫村长，好多人以为村长好有钱，有啲人真系为村民，我有好嘢都系挨返嚟。」现时曾伟明处于半退休状态，出任村长帮助居民，闲时钓鱼打发时间，他曾说：「而家阿仔都好乖，佢都明白我返工辛苦，自己未读过大学，佢要帮我完成心愿。太太系我嘅初恋，咁多年来都未试过有女伴角色，只系拍打戏多，所以老婆唔会怕我戏假情真，都冇机会来真！」至于会否复出拍戏？曾伟明笑说：「好难讲，睇下系乜嘢角色，我想做主角，只系未遇到一个真真正正可以提升你嘅演技，可以发挥你潜能嘅这样的剧本。」
相关阅读：50年代童星身上一特征77年不变？自认长情愿为家庭暂别娱乐圈 曾受耳患困扰听力只剩六成
