波仔至醒靈活玩│「快樂寶寶」狀態到位
更新時間：02:00 2025-09-10 HKT
發佈時間：02:00 2025-09-10 HKT
發佈時間：02:00 2025-09-10 HKT
字體大小
不知不覺今季已是廖康銘在港從練的第三季，而上季贏馬數字提升，亦有大賽頭馬落袋，相信已站穩陣腳及摸熟香港競賽環境。再睇近兩季頭馬分布都係谷草贏馬較多，似乎廄主都頗喜歡安排馬匹渡江出擊。
今戰第三場四班一千米，隸屬廖康銘馬房的「快樂寶寶」，上季於總場次748跑入一席季軍，該仗前四名馬中只得牠彎位走三疊蝕位，而段速前後偏快，頭二馬之後都相繼喺谷草一千米取得三甲，賽績水準可信。
而「快樂寶寶」上仗於七月九日出戰谷草A欄賽事，當 晚上半場屬大利貼欄前置偏差，此駒外檔起步留後競跑其實無甚麼優勢可言，再者馬兒直路初仲要受阻，遲起動及望空，潘頓最後二百米輕撩兩鞭之下仍見追勢對辦，相信四歲馬表現已經納入正軌。
；再睇今仗同場對手，「長勝金剛」、「天火同人」及「千杯」均見過速度，預計早段步速不會太慢，應該起碼會有正常步速，形勢上會合此駒發揮。
波仔靈活玩過關提供：
第一場 Q/PQ 4 膽拖 1 8 10 12
第三場 二重彩 12 複式馬膽拖 1 2 4 5
第八場 WP 10
混合過關三串一 共128注
