網傳九記牛腩請廚房臨時工！列明「遲到冇工開」$90/小時網民嘲：都唔夠食一碗牛腩麵

更新時間：14:50 2025-09-12 HKT
發佈時間：14:50 2025-09-12 HKT

中環老字號「九記牛腩」以清湯牛腩麵聞名，卻時常因服務態度成為輿論焦點。近日，在社交平台上流傳1則招聘公告，指九記牛腩正聘請廚房臨時工，時薪$90可即日出糧，但必須擁有1年以上經驗，並列明「遲到冇工開」。有網民看到薪金後直言，「做一個鐘都食唔到一碗牛腩麵」；也有網民嘲諷，「會唔會比（俾）老闆X。」即看下文了解詳情。

網傳九記牛腩請廚房「炒散」！警告「遲到冇工開」即日出糧$90/小時

近日，網上流傳一則招聘告示，指位於中環的老字號「九記牛腩」正聘請2名廚房臨時工，工作範圍包括煮麵、切牛雜等廚房雜務，時薪$90，可即日支付現金。據帖文顯示，應聘者必須年滿18歲，並有1年以上的麵檔經驗，強調「無經驗免問」；同時亦警告員工不能遲到，並需提早十分鐘到場，否則「遲到冇工開」。

網民：時薪都唔夠食一碗牛腩麵

這則網上流傳的告示引來網民熱議，有鑒於以往「九記牛腩」對客人的服務態度，不少網民對此暗嘲，「會唔會比（俾）老闆X」、「客都X，伙記就更加啦」、「人工包咗被X啦，90蚊一個鐘喎」、「個老細咁火爆，都好難打佢工，佢自己一家人做會好啲。」有網民則認為時薪太低，「$90做出料個個，師傅都慳返，真係好好搵」、「出面企檔你知唔知幾多錢日呀？」、「做一個鐘都食唔到一碗牛腩麵」、「90蚊仲要有經驗？」

圖片及資料來源：Instagram

文：Y