祖馬龍心水│「連連有盈」上仗水準高

更新時間：18:37 2025-05-24 HKT
發佈時間：18:37 2025-05-24 HKT

經常有人話祖馬龍同明星撞樣，似呢個又似嗰個，嚴格嚟講係褒義居多。大眾臉嘅苦惱，就係有人試過走埋嚟話我似丹爺，唔係劉丹亦唔係彭丹，而係話我有三分似「宇宙最強」甄子丹，仲話想同我黐手。大家實在太抬舉，慶幸無人話我似八両金，如果真有呢個睇法，敬請各位心照不宣。

最近又有一個新嘅撞樣案例，今次又唔差喎，居然話我似某騎師。呢位某騎師，今日有匹馬我又特別鍾意，就係第九場「連連有盈」。呢匹馬四班又得，三班又得，有時佢一千唔嫌短，千二又唔嫌長。上場跑三班千二，僅輸畀擺明超班嘅「跨境寶馬」，而能夠砌低「嘉應奇兵」，須知當日嘉應系馬大手出擊，隻隻同你博，呢個第二相當有水準。

第九場嘅賽前，大家不妨留意吓沙圈鏡頭，睇吓鍾易禮同我似唔似樣。若果「連連有盈」有幸入凱旋門，影頭馬相嘅時候，鍾易禮舉起勝利手勢，睇吓會唔會同祖馬龍贏錢時嘅得戚樣有三分相似。假如各位未夠深入認識祖馬龍，歡迎加入祖馬龍嘅Instagram jomalone_racing，每個賽日免費發放心水貼士。

第九場：6連連有盈、5添開心、14熾烈神駒
第十一場：7南區之星、8喜尊龍、4幸運派彩

↓立即下載星島頭條App↓