亨利拆局│練馬師王吼呂健威

更新時間：02:00 2023-09-27 HKT
發佈時間：02:00 2023-09-27 HKT

今季僅跑五個回合，呂健威已經三度封王，一來受惠幾個大倉未認真開工，二來威哥也有真本事，多匹上季尾勇馬都跨季冒勇，甚至更進一步。上日佢出馬五匹亦勁奪三十六分，主力三駒全部贏晒，唔到你唔服。雖然佢今晚也只出五駒，計兵力不及方、東、伍、姚，但若果又連場取十二分，繼續封王不是夢。

投注時機方面，不妨在第三場賽前先買一注威哥練馬師王，若「威威鬥士」順利勝出，便蹺埋雙手等下半場，萬一不幸失三甲，可等候機會補走地盤，或尾三場投注個別呂廄馬WP。

第三場「威威鬥士」上仗遇慢步速兼受阻都追近，看來暑假歇息大有幫助，今次捨一哩而就千八，好處是有助早段搶佔較佳位置，機會樂觀。第七場「水晶酒杯」上仗失準可能是季尾體力回落，由於前仗入Q表現太養眼，可給予機會。第八場「傑出漢子」前置或後追均可，排十檔也不能睇小。第九場「瑰麗人生」上仗贏馬段速勁，升班不吃虧。

目標：呂健威

賠率：2.65

全日惡馬第八場：傑出漢子

練馬師王最佳投注時機：第三場前

立即下載 | 全新《星島頭條》APP : https://bit.ly/3yLrgYZ