新力高升直闖高峰

更新時間：03:00 2023-03-19 HKT
發佈時間：03:00 2023-03-19 HKT

蘇偉賢開倉已一段日子，今季有望憑「新力高升」首次在大賽締出佳績，這匹愈戰愈勇之馬，看腳法增程二千必無問題，最重要蘇偉賢練馬功力愈來愈深厚，目前已將「新力高升」狀態推上高峰。
第六場第三班二○○○米：「合夥精英」上季來港至今十四戰未勝，看似實力平平，但細心觀察又未必如此，此駒上季三度獲亞，兩次輸短頭位，一次輸馬頭位，能夠一再跑得接近，未贏只係欠運氣多於欠實力。
由於「合夥精英」上季拼搏頗多，今季初稍作回氣非常合理，再經實戰提升狀態，走勢明顯較之前吸引，就以前仗跑田草千八為例，雖然負於「知足常樂」四馬位，但頭馬其實已掟開馬群，實際上跑第六的「合夥精英」，與季軍「龍船狀元」只相差一馬位。
上仗「合夥精英」再戰田草千八更加上眼罩，比起前仗跟得較前而殺入一席，若非步速偏慢，以致中段搶口，或許成績更好分分鐘贏埋，去番最佳時候，今戰跑番兩戰均入Q二千有把握，坐正在望！
第八場打吡大賽二○○○米：「新力高升」來港初期經常贏試閘走勢引人，故此初出排大外檔一樣熱捧，但因在閘內起擒發脾氣，最終大熱倒灶。幸好極速撥亂反正，個半月後再出即贏馬補中，今季「新力高升」突飛猛進，頭三戰跑千二名次逐步升級，順序跑四、三、二，之後不斷增程路合進取，對上四戰取得全勝佳績。
自從改攻中距離之後，「新力高升」的爆發力全面發揮，尤其近兩仗扳上千六及千八，牠的贏馬姿態更勁更輕鬆，最厲害跑法極之彈性，快步速固然威力強勁，試過慢步速跟得較前亦無問題，尚要每每一撻即着，變速力相當驚人，今仗只要陣上發揮正常，有力揚威打吡。