江若琳老公蕭唯展變緊張大師 囝囝踢波受傷會「接受唔到」 跟這位前港隊高手學游水先安心︳親子熱話
發佈時間：12:17 2025-09-11 HKT
江若琳蕭唯展︳每個爸媽都會經歷「新手階段」，子女為家長的「心頭肉」，一跌一撞都叫父母心痛。江若琳Elanne早前於ViuTV《晚吹 – GG家長指引》擔任嘉賓分享育兒趣事，於兒子Owen出世初期曾表示自己為「緊張大師」的Elanne，要事事親自「跟足」，到兒子現年2歲，「緊張大師」身分竟「轉移」至老公身上，一向主張「天生天養」心態的老公蕭唯展Oscar成為「緊張大師」，更表示如兒子受傷會「我接受唔到」，亦不准Elanne帶兒子游水，因擔心會溺水，不過昨天（10日）蕭唯展於社交平台上上載了一張兒子學游水相片並表示安心，原來教練為這一位前港隊高手。
親子熱話︳江若琳分享育兒趣事 爆老公蕭唯展變「緊張大師」
剛於星期二播出的一集ViuTV《晚吹 – GG家長指引》，江若琳Elanne出任嘉賓跟觀眾分享家中「緊張大師」的育兒趣事。Elanne憶述自己生BB前，老公Oscar一直抱輕鬆心態，並表示老公認為兒子要多跌多撞才會「成長」。「因為佢成日都覺得又唔係女，仔吖嘛，仔係應該跌吓，畀佢碰撞吓，唔使咁緊張㗎！即係嗰啲天生天養得㗎喇！」
兒子Owen出生後，Elanne曾表示自己要事事「跟足」，為親身照顧兒子不會安排一些需長時間拍攝的工作，也盡量不外遊，要全天候看顧兒子。怎料，隨兒子漸長，Elanne指老公變得越來越緊張，更用「誇張」來形容：「我老公曾經講過話好希望個仔可以踢足球，佢話：『踢波實斷腳㗎啦，實畀人鏟跌㗎喇！』但係如果而家我再問佢，如果你個仔踢波受傷你點呀？佢一定會話：『我接受唔到！』」
點擊圖片瀏覽江若琳分享育兒心得：
江若琳蕭唯展兒子跟「大師」學游水
Elanne還大爆Oscar的緊張行為，指好天又不能到戶外玩耍，也不能去游水。「天氣好曬佢會話：『小心太陽，唔好曬親我個仔！』陰天又話『小心落雨，唔好揼到佢』；好天想去游水又唔得！『你唔可以帶佢去，因住唔小心浸親佢！』」對此Elanne表示無奈：「個仔係我㗎，其實個仔我有份㗎！」眼見老公如此緊張，Elanne亦調節自己心態，提醒自己要放輕鬆一點，希望夫婦於育兒的方式及心態上可取得平衡。
Oscar變身「緊張爸爸」，亦會在社交平台上分享親力親為照顧兒子Owen的生活點滴。例如會跟太太江若琳於兒子臨睡前講故事讀咭仔，也會跟兒子踢波、玩遊戲，更會氹兒子刷牙，更笑指兒子因天天要氹兒子刷牙需時半小時，故用了一個「絕招」：「每次我一畀張相阿仔睇，佢就會拖住我隻手沖入廁所刷牙」，搞笑爸爸Oscar於兒子照片上「P」上牙蟲，「嚇」得仔仔乖乖聽話！而不准Elanne帶兒子去游水的Oscar，只相信「可靠」教練！現年兩歲的兒子原來最近跟前港隊成員方力申學游水，並指：「Owen要學游水喇，人生第一間泳會要跟一個靚仔飛魚校長，所有設備正到返唔到轉頭，第一堂有D驚驚，第二堂繼續加油，別放棄！」有強勁教練支援教學，相信Owen很快便會學識游水，不再讓爸爸擔心呀！
點擊圖片瀏覽江若琳蕭唯展與兒子生活點滴：
圖片來源：ViuTV、IG@elannek930、Threads@siupongoscar
相關文章︳不想孩子走舊路 江若琳Elanne：囝囝令我重新 學一次「做人」！︳星級教養
相關文章︳黃澤鋒58歲太太陳麗麗誕下細女「小貴妃」 剛升小一「小黃妃」肉緊抱抱金牌迎接妹妹出世︳親子熱話
