Coffee林芊妤誤扔囝囝已完成暑期作業 大懵媽咪自責「大頭蝦」做一事補鑊圓滿解決︳親子熱話
發佈時間：12:18 2025-09-01 HKT
今日是全港開學日，悠閒暑假圓滿結束，大學、中學、小學、幼稚園學生齊齊開學，開學第一件事當然是交暑假功課。正懷孕約7個月多月的Coffee林芊妤，昨晚（31號）就於社交平台將自己一件「大懵」事公開！她竟將暑假完本前夕，把囝囝翟德彥（彥彥）已完成的暑假功課當作舊書棄掉，令兒子非常傷心，也擔心被老師責怪，幸好媽媽做了一件事圓滿將事件解決！
Coffee林芊妤誤扔囝囝暑期作業最內疚：「個仔好明事理」
Coffee林芊妤的兒子翟德彥於今年升讀二年級，一向乖巧的彥彥早於暑假頭10日已經所有暑期功課，媽咪替他檢查好功課，並大讚兒子「好有手尾」將已完成的暑期作業放於書櫃上，跟小一舊書本放在一起。怎料，於8月31日，即暑假的最後一天，Coffee林芊妤跟兒子一起收拾書包時，才發現早前替兒子房間大掃除時將暑期作業連同小一課本一同棄掉。
當彥彥知道後既傷心又擔心，因怕會被老師責怪，Coffee為此非常自責，並於社交平台大歎不知是否受懷孕影響。「大肚婆真係會特別大懵同埋蠢，我呢排已經係咁，做埋啲傻嘢，今次仲要連累埋個仔，好唔開心呀！！！！我點解會咁架？！ 真係最怕有個豬隊友媽媽⋯⋯」，Coffee指自己最內疚是「係我個仔好明白事理，淨係扁嘴同我講驚老師鬧，比着如果係你哋，咁樣掉咗你哋嘅暑期功課係咪會好憎阿媽」。媽媽更放上彥彥於放假期間在飛機上仍努力獨自做功課的片段，「其實令我最唔開心嘅係因為佢份功課真係差唔多有100頁⋯ 而佢都真係好辛苦咁做晒， 但就俾我化為烏有， 就好似佢嘅努力俾我浪費咗，我冇諗過會犯啲咁低級嘅錯」。
點擊圖片瀏覽Coffee林芊妤誤掉兒子功課事件：
網民：「最緊要唔好畀阿仔自己面對」
不少網民紛紛跟Coffee建議解決方法，大家都主張直接跟老師解釋並道歉，別讓兒子一個人去面對事件。「最好直接喺個仔面前同老師講啦～唔好俾個仔自己返去面對，交換角度諗吓，個仔聽日返學咁多個鐘要對住個老師同埋啲同學知道左又可能成為咗人哋話題，但係媽咪就淨係屋企寫咗封信比老師，件事就好似完結咗咁，支持你同個仔一齊去面對，攞責任。」、「個人覺得個結果係點唔係重點，而係你同仔仔點樣一齊去面對呢個錯誤，大家一齊學習承擔、交代，一齊去計劃下次點樣做得好啲。」
而媽媽Coffee表示：「我已經同我個仔 say 左 sorry，都寫咗封信俾佢帶返學校。」而今早Coffee跟進事件，指除了寫信予老師，亦有一早「自首」，於早上7時許致電學校班主任解釋及道歉，老師明白事理圖回應「唔好太自責，做晒就ok，反正個學習過程先係最緊要」。或許這個就是家長與孩子一起成長過程，Coffee亦有問彥彥如媽咪再有「大頭蝦」事件的處理方法，醒目的彥彥表示：「 我下次會將暑期功課擺定係書包入邊，再寫紙貼住提你唔好掉左我d功課。」，對於孩子比自己更醒及有責任心，媽媽都很安慰。
點擊圖片瀏覽Coffee林芊妤與兒子生活日常：
資料來源：Threads@coffee89921、IG@coffee89921
相關文章︳情緒管理︳當情緒失控或會傷害他人 精神科醫生建議應該做這2件事︳親子熱話
相關文章︳中學書簿費貴得驚人 家長：「盛惠$5300」 網民：呢個年級買書最貴！
