KellyChu - 設扭蛋機及拍賣會遊園集印換限定徽章香港迪士尼徽章交換嘉年華 | Executive日記

更新時間：02:00 2026-08-22 HKT
發佈時間：02:00 2026-08-22 HKT

迪士尼樂園嘅精緻徽章吸引唔少忠實粉絲收藏，但原來除咗自己收藏留念，仲有另一種隱藏玩法。由即日起至周一(8月24日)，香港迪士尼樂園舉行一年一度嘅徽章交換嘉年華，粉絲可帶同珍藏徽章到展藝館，同演藝人員及來自世界各地嘅迪士尼粉絲交換心儀徽章。延續上年萬聖節派對主題，香港迪士尼樂園更為此設計出公主同惡人兩個限定系列。對於忠實粉絲而言，這些徽章除咗承載住佢哋嘅美好回憶，透過交換徽章，仲可以來自世界各地嘅同好交流互動，甚至建立友誼。

　　今屆徽章交換嘉年華設有多項活動，包括徽章扭蛋機、攤位遊戲、稀有徽章拍賣、活動徽章發售及徽章交流區等。嘉年華設有5個印章收集點，分布於展藝館嘅徽章扭蛋機同兩個攤位遊戲，以及小熊維尼精品店同迷離珍藏店門外嘅攤位遊戲，集齊印章可以換領活動紀念版徽章，極具收藏價值！場內嘅徽章交流區亦相當熱鬧，徽章珍藏琳琅滿目，唔少都非常罕有，吸引愛好者朝聖交換！

　　香港迪士尼樂園度假區商品採購副專員嘅Candice係嘉年華設計團隊嘅一員，佢形容：「（徽章）係好細嘅一樣物件，但承載好多回憶，而且係帶得走嘅回憶。」Candice分享創作細節，原來今年嘉年華延續上年萬聖節派對主題，特意設計公主和惡人兩個系列。除此之外，由各地迪士尼徽章設計師聯乘創作嘅故事書系列，仲係香港限定，徽章封面係惡人，打開內頁就係公主王子，造型相當精美。

　　連續六年成為徽章大使嘅Jimmy分享，演藝人員身上嘅掛繩通常有八個徽章可以同賓客交換，有時仲有特別版，讓賓客走訪園內不同角落，享受尋寶樂趣。Jimmy話，交換徽章唔單止係收藏樂趣，仲可以同世界各地嘅同好建立友誼，係一種獨特交流方式！

KellyChu