KellyChu - 设扭蛋机及拍卖会游园集印换限定徽章香港迪士尼徽章交换嘉年华 | Executive日记

更新时间：02:00 2026-08-22 HKT
发布时间：02:00 2026-08-22 HKT

迪士尼乐园嘅精致徽章吸引唔少忠实粉丝收藏，但原来除咗自己收藏留念，仲有另一种隐藏玩法。由即日起至周一(8月24日)，香港迪士尼乐园举行一年一度嘅徽章交换嘉年华，粉丝可带同珍藏徽章到展艺馆，同演艺人员及来自世界各地嘅迪士尼粉丝交换心仪徽章。延续上年万圣节派对主题，香港迪士尼乐园更为此设计出公主同恶人两个限定系列。对于忠实粉丝而言，这些徽章除咗承载住佢哋嘅美好回忆，透过交换徽章，仲可以来自世界各地嘅同好交流互动，甚至建立友谊。

　　今届徽章交换嘉年华设有多项活动，包括徽章扭蛋机、摊位游戏、稀有徽章拍卖、活动徽章发售及徽章交流区等。嘉年华设有5个印章收集点，分布于展艺馆嘅徽章扭蛋机同两个摊位游戏，以及小熊维尼精品店同迷离珍藏店门外嘅摊位游戏，集齐印章可以换领活动纪念版徽章，极具收藏价值！场内嘅徽章交流区亦相当热闹，徽章珍藏琳琅满目，唔少都非常罕有，吸引爱好者朝圣交换！

　　香港迪士尼乐园度假区商品采购副专员嘅Candice系嘉年华设计团队嘅一员，佢形容：「（徽章）系好细嘅一样物件，但承载好多回忆，而且系带得走嘅回忆。」Candice分享创作细节，原来今年嘉年华延续上年万圣节派对主题，特意设计公主和恶人两个系列。除此之外，由各地迪士尼徽章设计师联乘创作嘅故事书系列，仲系香港限定，徽章封面系恶人，打开内页就系公主王子，造型相当精美。

　　连续六年成为徽章大使嘅Jimmy分享，演艺人员身上嘅挂绳通常有八个徽章可以同宾客交换，有时仲有特别版，让宾客走访园内不同角落，享受寻宝乐趣。Jimmy话，交换徽章唔单止系收藏乐趣，仲可以同世界各地嘅同好建立友谊，系一种独特交流方式！

KellyChu