KellyChu - 潮庭潮江春呈獻新「潮」菜廿年滷汁提鮮卅載名廚坐鎮 | Executive日記

更新時間：02:00 2026-08-21 HKT
發佈時間：02:00 2026-08-21 HKT

中國菜系眾多，要數Kelly最愛，潮州菜必有一席。潮州菜嘅烹飪技藝和味道都極具特色，講求清鮮本味，最見功架與火候。最近美心集團旗下品牌「潮庭」和「潮江春」，時隔兩年推出全新潮州菜譜，由多位擁有超過30年入廚經驗嘅資深潮汕大廚坐鎮主理，更見誠意及其匠心。10道新菜未能盡錄，小妹私心和讀者分享最有特色幾道。

　　第一道當然要講潮州菜最經典代表「滷水鵝拼盤」，美心選用潮汕地區極品獅頭鵝，匯聚鵝片、掌翼、鵝腸、鵝腎及鵝肝等部位，件件精挑細選，配上以古法熬製20年嘅靈魂滷汁，入口醇香濃郁、鹹淡平衡，餘韻悠長。當中以傳統鹽滷手工製作嘅滷水豆腐，保留黃豆濃厚糯香與細膩滑嫩口感，為菜式錦上添花。

　　另一道「紅燒海參山瑞裙」精選珍貴山瑞鱉裙邊入饌，配老雞、金華火腿、海參及秘製高湯，經長時間文火煨製，膠質豐富，風味醇厚。湯汁無落粉芡，全憑天然食材創造豐富膠質，只加豬油提香，女士們齋聽已垂涎三尺。

　　大家常食嘅蠔仔餅，大廚們今回選用最靚嘅汕尾晨洲珍珠蠔，顆顆鮮嫩飽滿，口感無渣。又以鴨蛋薄漿煎製，不加薯粉，打造外酥內嫩純粹味道。還有匠心之作：「潮汕崩沙腩手打魚蛋春菜」，魚蛋堅持選用黃門鱔及馬鮫魚手打製作；黃門鱔為打出爽口彈牙、魚味濃郁白魚蛋不可或缺嘅靚魚肉來源，這口美味亦教人難忘。

KellyChu