KellyChu - 坐纜車賞夜景聽歌綜合享受昂坪360夜航加音樂會爆好評 | Executive日記

更新時間：02:00 2026-08-14 HKT
發佈時間：02:00 2026-08-14 HKT

呢個夏天仲未諗到去邊度玩？好評如潮嘅昂坪360二十周年暑假限定「纜車夜航」連同「叱咤903星空下音樂會」，今個星期六、日（8月15及16日）就係最後兩場！搭纜車上昂坪市集時可欣賞到港珠澳大橋迷人日落，在市集同懷舊港式霓虹燈夜景打卡，微風中享受廣東歌，回程更得以飽覽大嶼山絕美夜景，為你創造浪漫又難忘嘅本地夜遊體驗。

　　據悉之前幾場音樂會場面墟冚，有網友大讚現場氣氛超好，頭場有馮允謙、雲浩影、Lester藍奕持打頭陣，之後幾場仲有李駿傑、魏俊笙、洪嘉豪及陳蕾等接力，就算唔係企最前，觀賞距離都好近。亦有網民表示即使喺外圍睇視線都好清楚，事後仲有機會同歌手近距離接觸添！套票包埋小食券，可以喺星空下Chill住食嘢聽歌，唔怪得之咁多人話正！

　　講返今次夜航，黃昏上山睇日落，入夜落山睇夜景，由高空俯瞰香港國際機場嘅璀璨燈海、港珠澳大橋嘅蜿蜒夜景，仲有天壇大佛晚間特別亮燈。上到昂坪市集，成條大道變身80年代懷舊霓虹燈主題大道，退役纜車車廂首次「落地」變身打卡熱點。仲有懷舊茶餐廳、港鐵打卡牆、港式麻將牆等港式場景，一張相靚過一張，打卡打到手軟！

　　最抵玩係夜航門票成人來回都係$200，長者小童$100。加多$60就有兩張小食券同音樂會入場憑證！8月15日晚音樂會有COLLAR同陳健安，尾場8月16日就有JACE陳凱詠、Jason陳柏宇同Vincy So蘇詠淳。機會咁難得，即刻約埋朋友仔去玩喇。

KellyChu