KellyChu - 坐缆车赏夜景听歌综合享受昂坪360夜航加音乐会爆好评 | Executive日记

更新时间：02:00 2026-08-14 HKT
发布时间：02:00 2026-08-14 HKT

呢个夏天仲未谂到去边度玩？好评如潮嘅昂坪360二十周年暑假限定「缆车夜航」连同「叱咤903星空下音乐会」，今个星期六、日（8月15及16日）就系最后两场！搭缆车上昂坪市集时可欣赏到港珠澳大桥迷人日落，在市集同怀旧港式霓虹灯夜景打卡，微风中享受广东歌，回程更得以饱览大屿山绝美夜景，为你创造浪漫又难忘嘅本地夜游体验。

　　据悉之前几场音乐会场面墟冚，有网友大赞现场气氛超好，头场有冯允谦、云浩影、Lester蓝奕持打头阵，之后几场仲有李骏杰、魏俊笙、洪嘉豪及陈蕾等接力，就算唔系企最前，观赏距离都好近。亦有网民表示即使喺外围睇视线都好清楚，事后仲有机会同歌手近距离接触添！套票包埋小食券，可以喺星空下Chill住食嘢听歌，唔怪得之咁多人话正！

　　讲返今次夜航，黄昏上山睇日落，入夜落山睇夜景，由高空俯瞰香港国际机场嘅璀璨灯海、港珠澳大桥嘅蜿蜒夜景，仲有天坛大佛晚间特别亮灯。上到昂坪市集，成条大道变身80年代怀旧霓虹灯主题大道，退役缆车车厢首次「落地」变身打卡热点。仲有怀旧茶餐厅、港铁打卡墙、港式麻将墙等港式场景，一张相靓过一张，打卡打到手软！

　　最抵玩系夜航门票成人来回都系$200，长者小童$100。加多$60就有两张小食券同音乐会入场凭证！8月15日晚音乐会有COLLAR同陈健安，尾场8月16日就有JACE陈凯咏、Jason陈柏宇同Vincy So苏咏淳。机会咁难得，即刻约埋朋友仔去玩喇。

KellyChu