婚前一餐飯即成「一世宿敵」未來奶奶亂講嘢嫌親家屋企孝順女心痛父親受辱網民加碼爆更多野蠻奶奶極品故事｜Juicy叮

時事熱話

更新時間：15:38 2026-10-30 HKT
發佈時間：15:38 2026-10-30 HKT

有孝順女在網上分享在婚前雙方父母見面飯局上的不愉快經歷，指未來奶奶亂講嘢嫌棄親家居住環境，令她即場把對方視作「一世宿敵」，同時心痛父親受辱。貼文引來網民附和聲不絕，更加碼爆出更多野蠻奶奶的極品故事。詳情見下圖及下文：

婚前一餐飯即成「一世宿敵」未來奶奶亂講嘢嫌親家屋企孝順女心痛父親受辱網民加碼爆更多野蠻奶奶極品故事逐張睇↓↓↓↓

樓主：爸爸辛苦上樓被羞辱

樓主昨天（29日）在社交平台 Threads以「奶奶鬼故事」為題發帖，大呻結婚前兩家父母聚餐的不愉快事件。

她透露飯局期間雙方正正常常，豈料飯後開車送父母返屋企時，居於油尖旺單棟開放式舊樓的未來奶奶，竟突然當眾踩低樓主娘家：「你哋嗰度係咪居屋嚟？好舊好多年樓齡喎。我呢度就近尖沙咀，個名都響好多勁好多。」

事實上，樓主娘家物業屬「老牌十大屋苑」。樓主稱，老公當時即刻開聲喝止其母不要亂講嘢，但樓主爸爸當時已顯得極為尷尬。豈料未來奶奶毫無悔意，更堅持駁斥：「唔係喎，我記得我做女嗰陣嗰度已經係居屋定公屋嚟㗎啦！」

未來奶奶下車後，全車氣氛跌入冰點。樓主心痛透露，爸爸十幾歲便出來工作養活5個細佬妹，之後又獨力養活全家，由住鐵皮屋捱到上私樓，成身病痛只為給家人最好的居住環境。

看到爸爸一生辛勞卻慘遭當面羞辱，樓主痛心直言：「我就知未來奶奶會係我一世嘅敵人。」她隨後更在留言中暗示，連老爺都頂唔順未來奶奶。

網民加碼：涼薄奶奶查家宅兼嫌錢少

網民對樓主未來奶奶的無教養極度憤怒，直斥其「口賤口痕口多口臭」、「純粹有意抬高自己」，更加碼分享自己遇到的野蠻奶奶極品原話。

有網民分享悲痛經歷，指「有次我媽入咗醫院，我探完我媽之後同我爸 &（和）老公+99（女奶奶）一齊dinner（晚飯），99同我爸講唔好意思冇去探我媽，話『下次』先去探佢，之後我老豆同我講返佢好嬲，因為99話『下次』，最後沒有『下次』，因為我媽之後走了……」，令人直呼：「無心之失都可以好hurt（傷）人」。