旺角截車過海接連被拒 第三架的士竟然爽快叫上車 夜歸人分享無言奇遇 落車前的哥突爆接客真相｜Juicy叮
發佈時間：13:00 2026-10-30 HKT
有夜歸人在網上分享深宵奇遇，指半夜在旺角截的士過海去北角時接連被拒，迎來的第三架的士，司機竟然爽快叫上車，但全程保持沉默。
直到抵達北角終點，的哥在落車收錢時終於開金口，吐出一句意想不到的接客真心話，同時惹來網民瘋狂熱議，詳情見下圖及下文：
旺角截車過海接連被拒 第三架的士竟然爽快叫上車 夜歸人分享無言奇遇 落車前的哥突爆接客真相逐張睇↓↓↓↓
樓主：截車過海頭兩部揮手即走
樓主昨天（29日）在社交平台 Threads發帖，大呻半夜截車過海的苦況：「半夜十二點喺旺角截的士，頭兩架都揮手走咗」。正當心灰意冷之際，迎來第三架的士，的哥一聽到目的地是北角，竟然「諗都冇諗」便爽快叫樓主「上車」。
成程冇講過嘢 落車前突爆驚喜真心話
這趟深夜旅程最奇妙的地方在於，的哥開車後全程保持沉默，與樓主無言相對，一路駛向港島。直到車子順利抵達北角目的地，的哥在收錢時才終於打破沉默，開口對樓主說了一句：「多謝晒，我住北角。」
這個神奇結局，讓樓主頓時明白為甚麼對方會如此爽快；並在留言欄自爆：「錶價93蚊幾，佢收我90：『順路，收你齊頭。』」，更笑言「慳返3蚊都開心」。
樓主：今晚佢贏晒
回應的網民幽默指：「好彩係北角，唔係哥連臣角」，樓主隨即搞笑回覆：「去哥連臣角就真係鬼故啦！」
此外，有網民理性分析，的哥今次絕對是名利雙收：「就算唔係趕收工，佢喺旺角返去北角，佢都賺啦」，樓主亦深表認同直呼：「又收錢又順路，今晚佢贏晒」。
不過，也有網民提出不同看法，指出「身為專業嘅司機，其實唔應該揀客」，亦有網民詢問「你唔係上咗車先講去邊㗎？」
網民狂曬「收工單」小確幸：打咗八折
不少夜歸同路人慷慨分享自己遇過的「神級收工單」溫馨經歷。有網民透露，某年做節要由日出康城去將軍澳再入屯門，街上無車之下叫車許久，終有司機接單，一路上司機心情極好，中途塞車依然與乘客愉快吹水，最後落車才自爆自己也住屯門，正要回家做節，「唔使吉車返屋企，勁開心！」
另有網民分享，某次在觀塘收工 Call Van（電召客貨車）去屯門龍門居，一上車司機就自爆住在同一個屋苑，成程非常投契，落車時司機甚至主動大方給予八折優惠。
資料來源：ten.wips.hk＠Threads
相關閱讀：
八號波搭的士遇良心司機 無劏客堅持按咪錶收費 打工仔感動加車資至「呢個銀碼」
的士客「上酒吧拎嘢馬上走」 多付40元車資求原地等 司機苦候20分鐘趕交更走人惹熱議
中環去太子一口價$250 司機劏客劏正行家慘遭咁樣整治 網民學到嘢：開$5000都話得
