80歲伯伯永不言休 日日返工用電腦 網民洞察世情 分析「八十後」職場心事｜Juicy叮
發佈時間：15:41 2025-11-18 HKT
在職場打拼，不少年輕人都以提早退休、「嘆世界」為目標。有年屆八旬的伯伯永不言休，每日精神奕奕地上班，用電腦處理複雜工作；反而有30歲的打工仔卻夢想立即過上退休生活。
這種強烈的對比，引發了一場關於工作與人生意義的網絡熱議，不少網民洞察世情，細意分析了年長一輩「八十（歲）後」的職場心事。詳情見下圖及下文：
80歲伯伯永不言休 日日返工用電腦 網民洞察世情 分析「八十後」職場心事逐張睇↓↓↓↓
樓主：唔明點解佢唔退休嘆世界
樓主本月13日在社交平台Threads發帖，分享公司一件趣事，指「公司有個就嚟80歲嘅阿伯，行得走得好健康，仲識用電腦做啲advance（進階）嘢。但唔係好明點解佢唔退休去嘆世界，我而家未夠30歲都想退休啦🤡」。
相關閱讀：坐擁80萬身家 月入2.27萬打工仔豪言儲夠錢：以後花光人工歎世界
網民4大原因分析「八十後」心態
回應的網民洞察世情，把「八十後」伯伯堅持上班的心態分析得通透細膩，歸納出4大主因：
一、保持身心健康 預防機能衰退
許多網民認為，持續工作是讓長者保持活力的秘訣。
•「一退就會體能、腦筋都退，又會無晒社交。」
•「佢咁先無咁易腦退化。」
•「你有冇諗過，佢行得走得又識用電腦冇同社會脫節，好大原因就係因為有返工？」
•「老人家叻唔叻唔再係講錢，係講健康。佢而家又健康又搵到錢，仲唔winwin（雙赢）。」
二、尋找社交寄託與存在價值
有網民指出，工作能提供穩定的社交圈子和被需要的感覺，對長者尤其重要。
•「唔返工會覺得好悶，佢哋未必有我哋咁多興趣、有咁多嘢想做。」
•「80歲個年紀，身邊好多老友甚至已經走咗。結論就係返工，仲有一堆人陪下吹下水。」
•「每一個人都想『被需要』，佢講得份工俾到佢呢個感覺，咪做落去囉。」
•「公司係佢嘅樂土，佢返工返得不知幾開心。」
相關閱讀：減薪4位數字轉新工 中年打工仔一原因勁感恩 同路人：少5日大假都肯做
三、避免家庭摩擦 維繫夫妻關係
部分網民則從家庭角度出發，認為上班是部分年長男士的「避風港」。
•「以前返工屋企嘢老婆搞掂，好多老男人退休冇嘢做，想幫手做下屋企嘢，唔合老婆心水就會嘈。搵到一個位置有糧出......唔使同老婆嘈，夫妻關係仲好咗。」
•「退休就要24小時對住屋企嗰件，不如日日返工唔使煩。」
•「你打工為屋企，佢打工為唔想返屋企。」
四、兩代人價值觀與人生境界大不同
不少留言都點出，不同年代的人對「嘆世界」的定義截然不同。
•「其實佢哋都唔明點解啲後生先啱啱開始返工就話要退休。」
•「人哋在自己身體最好最年輕最靚仔...的時候嘆過世界， 所以45歲之後才搵錢捱世界。」
•「因為佢從心所欲不逾矩，而你仍未到而立之年，境界嘅嘢你而家未必明。」
•「因為你追求嘅嘢唔係佢想要嘅嘢lo（囉），人人對快樂定義不一嘅。」
資料來源：druzydoo＠Threads
相關閱讀：億元六合彩得主千字文解釋仍返工？身份掀議 核對派彩紀錄網民疑是「這位」↓↓↓↓
有自稱兩年前中了1億元六合彩的人士，早前在網上發表千字文解釋至今仍返工，過著普通打工仔生活的原因，帖文掀議備受質疑造假，在核對過往派彩紀錄，有網民懷疑他的身份很可能是「這位」↓↓↓↓
該
