觀塘「外賣修復師」用一方法 垃圾桶旁就地還原倒瀉飲品 網民拒買兩大外賣高危食物自保｜Juicy叮
發佈時間：13:34 2025-10-24 HKT
觀塘日前出現「外賣修復師」當街變法，在一工業大廈的信箱及垃圾桶旁，就地用一方法還原倒瀉飲品。目睹情況的網民均耍手擰頭，有精明網民為著自保，更加表明拒絕購買兩大類外賣高危食物。詳情見下圖及下文：
觀塘「外賣修復師」用一方法 垃圾桶旁就地還原倒瀉飲品逐張睇↓↓↓↓
樓主：將杯嘢放地下
樓主本月18日晚上8時許在社交平台Threads上載相片發帖，提醒如果有人剛於7時許8時左右，在官塘工業中心經外賣平台「叫咗6至8杯綠色嘢飲」便要留意。
樓主續稱，「想話你知你其中有一至兩杯嘢飲倒瀉咗喺外賣袋入面，然後貼心嘅外賣員將你杯嘢好安全咁放喺地下，再拎起外賣袋將倒瀉咗嘅飲品斜角倒返入去個杯度，以保證你係有收到你order（落單）嘅食物，全程仲保持禮貌嘅笑容㖭」。樓主補充，「唔知點通知你，唯有求萬能嘅Threads幫助，Good luck（祝你好運）」。
相關閱讀：街邊廚神上身？恐怖外賣員倒瀉檸茶踎街「自製」3杯 超嘔心「做手術」過程曝光 網民：唔係啩？！
網民嘲：印度式拉茶
相中踏單車的外賣員正蹲著，埋首處理兩杯放在地上的飲品。有回應的網民笑言，這情況好比「外賣師廚師夢」，而這兩杯飲品「夠晒地道嘅飲品，根本就擺喺地度加工」，還有人笑稱「識咩丫，印度式拉茶」；有人退而求其次，表明「我寧願得半杯，都唔想要咁樣嘅一杯」。
有曾經任職外賣員的網民表示「再黑暗啲都有，誠心奉勸咁多位最好少用所有外賣apps（香港），都係伏，10分鐘腳程內點都會有間7仔（便利店）／麥記（快餐店）就自己去買啦」。
有網民附和，指「喺pre（前）智能電話嗰個時代我已經見過人喺地下執返啲麵㖭。所以早就知道呢啲係外賣仔日常」、「飲品湯麵都係自己pickup（拿取）啦，幾年前試過嚟到啲膠袋全部濕晒，食完我和同事都肚痾⋯」。樓主也稱「經常見到佢哋搭𨋢時就咁將袋外賣放喺勁污糟嘅貨𨋢地下，但冇今次咁Ｘ離譜」，因而認為「外賣自取穩陣啲囉」。
相關閱讀：外賣員倒瀉飲品商場踎地「做手術」 咁樣還原極嘔心 網民：個客真係慘！
網民拒買兩大外賣高危食物
另有醒目網民為著自保，表明「所以唔好買無封口機封嘅嘢飲，勁唔安全」、「唔封膜嗰啲一率唔會再買，自己拎都好易倒瀉，何況人哋送貨 」；樓主亦稱「件裝食物都容易俾人偷食（eg，例如炸物）」，網民也回應「所以好少買小食」。
有人將心比己稱「我做嘅話真係寧願炒餐好過照送啦，食物安全嘅嘢根本要有。識得DIY（自製）嘅話，保溫箱加塊木板，木板中間令2至4個圓形裝飲品啦。有時幾廿蚊，唔係為求不擇手段去賺，賺咗但人哋有事嘅，你都唔好意思啦。諗吓嗰個係你屋企人，炒餐、濕咗，你屋企人食咗，食物中毒入院會點」。
資料來源：aaaccc1617＠Threads
相關閱讀：醫護中招？屯門醫院外賣遭當街嘔心「做手術」 曝光無良外賣員踎醫院門口核突還原倒瀉湯粉↓↓↓↓
有送遞屯門醫院的外賣，被揭發遭無良外賣員在醫院門口踎地「做手術」，畫面嘔心，衛生情況令人憂慮，中招者相信為院內醫務人員，曝光的畫面看到有醫院的女文職人員，接過可能已被沾污的外賣，但不知道她是代取外賣或是訂者本人。
事發在5月30日下午近1時，有網民拍下事發過程，如下↓↓↓↓
