观塘「外卖修复师」用一方法 垃圾桶旁就地还原倒泻饮品 网民拒买两大外卖高危食物自保｜Juicy叮
发布时间：13:34 2025-10-24 HKT
观塘日前出现「外卖修复师」当街变法，在一工业大厦的信箱及垃圾桶旁，就地用一方法还原倒泻饮品。目睹情况的网民均耍手拧头，有精明网民为著自保，更加表明拒绝购买两大类外卖高危食物。详情见下图及下文：
观塘「外卖修复师」用一方法 垃圾桶旁就地还原倒泻饮品逐张睇↓↓↓↓
楼主：将杯嘢放地下
楼主本月18日晚上8时许在社交平台Threads上载相片发帖，提醒如果有人刚于7时许8时左右，在官塘工业中心经外卖平台「叫咗6至8杯绿色嘢饮」便要留意。
楼主续称，「想话你知你其中有一至两杯嘢饮倒泻咗喺外卖袋入面，然后贴心嘅外卖员将你杯嘢好安全咁放喺地下，再拎起外卖袋将倒泻咗嘅饮品斜角倒返入去个杯度，以保证你系有收到你order（落单）嘅食物，全程仲保持礼貌嘅笑容㖭」。楼主补充，「唔知点通知你，唯有求万能嘅Threads帮助，Good luck（祝你好运）」。
相关阅读：街边厨神上身？恐怖外卖员倒泻柠茶踎街「自制」3杯 超呕心「做手术」过程曝光 网民：唔系啩？！
网民嘲：印度式拉茶
相中踏单车的外卖员正蹲著，埋首处理两杯放在地上的饮品。有回应的网民笑言，这情况好比「外卖师厨师梦」，而这两杯饮品「够晒地道嘅饮品，根本就摆喺地度加工」，还有人笑称「识咩丫，印度式拉茶」；有人退而求其次，表明「我宁愿得半杯，都唔想要咁样嘅一杯」。
有曾经任职外卖员的网民表示「再黑暗啲都有，诚心奉劝咁多位最好少用所有外卖apps（香港），都系伏，10分钟脚程内点都会有间7仔（便利店）／麦记（快餐店）就自己去买啦」。
有网民附和，指「喺pre（前）智能电话𠮶个时代我已经见过人喺地下执返啲面㖭。所以早就知道呢啲系外卖仔日常」、「饮品汤面都系自己pickup（拿取）啦，几年前试过嚟到啲胶袋全部湿晒，食完我和同事都肚疴⋯」。楼主也称「经常见到佢哋搭䢂时就咁将袋外卖放喺劲污糟嘅货䢂地下，但冇今次咁Ｘ离谱」，因而认为「外卖自取稳阵啲啰」。
相关阅读：外卖员倒泻饮品商场踎地「做手术」 咁样还原极呕心 网民：个客真系惨！
网民拒买两大外卖高危食物
另有醒目网民为著自保，表明「所以唔好买无封口机封嘅嘢饮，劲唔安全」、「唔封膜𠮶啲一率唔会再买，自己拎都好易倒泻，何况人哋送货 」；楼主亦称「件装食物都容易俾人偷食（eg，例如炸物）」，网民也回应「所以好少买小食」。
有人将心比己称「我做嘅话真系宁愿炒餐好过照送啦，食物安全嘅嘢根本要有。识得DIY（自制）嘅话，保温箱加块木板，木板中间令2至4个圆形装饮品啦。有时几廿蚊，唔系为求不择手段去赚，赚咗但人哋有事嘅，你都唔好意思啦。谂吓𠮶个系你屋企人，炒餐、湿咗，你屋企人食咗，食物中毒入院会点」。
资料来源：aaaccc1617＠Threads
相关阅读：医护中招？屯门医院外卖遭当街呕心「做手术」 曝光无良外卖员踎医院门口核突还原倒泻汤粉↓↓↓↓
有送递屯门医院的外卖，被揭发遭无良外卖员在医院门口踎地「做手术」，画面呕心，卫生情况令人忧虑，中招者相信为院内医务人员，曝光的画面看到有医院的女文职人员，接过可能已被沾污的外卖，但不知道她是代取外卖或是订者本人。
事发在5月30日下午近1时，有网民拍下事发过程，如下↓↓↓↓
