的哥常清潔難敵蟑螂大軍 曱甴屋放後座兩日結果驚人 住滿「這數量」大強小強｜Juicy叮
發佈時間：11:27 2025-10-13 HKT
一輛的士疑被蟑螂大軍入侵，愛潔淨的司機在車上後座放曱甴屋對付，結果兩日便收穫滿滿。司機把豐收的曱甴屋分享至網上，結果相當驚人。詳情見下圖及下文：
的哥常清潔難敵蟑螂大軍 曱甴屋放後座兩日結果驚人逐張睇↓↓↓↓
樓主：唔怕死放大張相嚟睇
樓主前日（11日）在facebook群組「的士司機資訊網 Taxi」發帖時表示「各位司機大佬，當你發現你哋架車上面有一隻（蟑螂）嘅時候，其實可能已經係咁樣，好彩發現得你早。唔怕死嘅你放大（張相）嚟睇吓。
樓主回應留言時自爆，把曱甴屋放車的士的後座位置，「放咗兩日就已經捉到咁多隻」、「真係好很多，捉極都有」、「好恐怖可以咁多隻」。樓主並補充「查實都常常清潔嘅，有時擺喺路邊實會有，旺角尖沙咀我試過開門都會飛入嚟！」。
細看相片，曱甴屋黐有大大少少約100大強、小強和BB小強。有使用曱甴屋經驗的網民則提醒，曱甴屋的藥餌毋需拆包裝，指「透明膠袋本身開咗洞」、「藥的包裝不用拆的，貼在指明的位置可以了！」、「包藥唔洗拆開㗎！個藥包有小洞洞一早吉穿左，香味自然吸引到㗎啦！」。
相關閱讀：的士竟裝有電飯煲！女乘客直擊奇遇：「司機仲打開畀我睇」之後...
同行附和上載曱甴屋豐收照
不少同行附和樓主的做法，各自上載自家曱甴屋的豐收情況，詳見下圖↓↓↓↓
相關閱讀：高難度！的士司機咪錶底養銀龍魚 以一物盛載震驚網民：尿袋？
行家分享力抗曱甴兩大心得
另有行家慷慨分享自己力抗曱甴大軍入侵的兩大心得：
一是「無嘢食佢就走~~~ 唔會繁殖」、「最緊要唔好喺車度食嘢」，不過回應的行家則指「呢個有難度」，並稱「有時啲客都靜靜雞喺車食嘢」。
二是「泊車最好唔好泊喺啲坑渠窿口，指「之前有研究話，有一隻出現就代表有300幾隻喺你附近，泊車最好唔好泊喺啲坑渠窿口，我試過深夜多手噴殺蟲水入坑渠窿，結果啲大強喺四圍啲渠窿走X晒出路面，好恐怖，第朝周地大強屍體，諗起都驚」。
另有人留言講恐怖經歷：
•我試過夜晚行吓屯門公路有隻曱甴躝住我隻左手，我見個客瞓著咗覺，我好鎮定咁樣將隻曱甴揈咗去後面；
•我都試過，呢堆只係冰山一角，收工後用殺蝨蛋就可以清晒，而家長期放一個喺座位底，因為唔知幾時又有曱甴爬入嚟；
•我以前小巴都試過，又係一熄車就走出嚟，有一日打風要晾車，我買兩隻煙霧彈放車由佢焗，第日攞車滿地屍骸，真係有過百隻；
•之前替部殘四每次一熄車，成千上萬隻行出嚟活動，有大有細。我叫打理永久blacklist（黑台單）嗰部車，打理攞藥去炸曱甴。炸完多過你幅相幾十倍都唔止。
資料來源：Peter Pak＠的士司機資訊網 Taxi
相關閱讀：搭的士座位驚見兩篤屎 乘客竟上車「咁樣」坐足全程 司機大讚：佢真係好好！↓↓↓↓
有的士司機去年底在網上分享奇遇，有乘客截的士，開車門上車時，驚見座位上有「兩篤屎」，該乘客竟照上車，並用一個方法坐足全程，令司機亦不禁大讚：「個乘客都好好。」↓↓↓↓
