的哥常清洁难敌蟑螂大军 曱甴屋放后座两日结果惊人 住满「这数量」大强小强｜Juicy叮
发布时间：11:27 2025-10-13 HKT
一辆的士疑被蟑螂大军入侵，爱洁净的司机在车上后座放曱甴屋对付，结果两日便收获满满。司机把丰收的曱甴屋分享至网上，结果相当惊人。详情见下图及下文：
的哥常清洁难敌蟑螂大军 曱甴屋放后座两日结果惊人逐张睇↓↓↓↓
楼主：唔怕死放大张相嚟睇
楼主前日（11日）在facebook群组「的士司机资讯网 Taxi」发帖时表示「各位司机大佬，当你发现你哋架车上面有一只（蟑螂）嘅时候，其实可能已经系咁样，好彩发现得你早。唔怕死嘅你放大（张相）嚟睇吓。
楼主回应留言时自爆，把曱甴屋放车的士的后座位置，「放咗两日就已经捉到咁多只」、「真系好很多，捉极都有」、「好恐怖可以咁多只」。楼主并补充「查实都常常清洁嘅，有时摆喺路边实会有，旺角尖沙咀我试过开门都会飞入嚟！」。
细看相片，曱甴屋黐有大大少少约100大强、小强和BB小强。有使用曱甴屋经验的网民则提醒，曱甴屋的药饵毋需拆包装，指「透明胶袋本身开咗洞」、「药的包装不用拆的，贴在指明的位置可以了！」、「包药唔洗拆开㗎！个药包有小洞洞一早吉穿左，香味自然吸引到㗎啦！」。
相关阅读：的士竟装有电饭煲！女乘客直击奇遇：「司机仲打开畀我睇」之后...
同行附和上载曱甴屋丰收照
不少同行附和楼主的做法，各自上载自家曱甴屋的丰收情况，详见下图↓↓↓↓
相关阅读：高难度！的士司机咪表底养银龙鱼 以一物盛载震惊网民：尿袋？
行家分享力抗曱甴两大心得
另有行家慷慨分享自己力抗曱甴大军入侵的两大心得：
一是「无嘢食佢就走~~~ 唔会繁殖」、「最紧要唔好喺车度食嘢」，不过回应的行家则指「呢个有难度」，并称「有时啲客都静静鸡喺车食嘢」。
二是「泊车最好唔好泊喺啲坑渠窿口，指「之前有研究话，有一只出现就代表有300几只喺你附近，泊车最好唔好泊喺啲坑渠窿口，我试过深夜多手喷杀虫水入坑渠窿，结果啲大强喺四围啲渠窿走X晒出路面，好恐怖，第朝周地大强尸体，谂起都惊」。
另有人留言讲恐怖经历：
•我试过夜晚行吓屯门公路有只曱甴𨅬住我只左手，我见个客瞓著咗觉，我好镇定咁样将只曱甴揈咗去后面；
•我都试过，呢堆只系冰山一角，收工后用杀虱蛋就可以清晒，而家长期放一个喺座位底，因为唔知几时又有曱甴爬入嚟；
•我以前小巴都试过，又系一熄车就走出嚟，有一日打风要晾车，我买两只烟雾弹放车由佢焗，第日攞车满地尸骸，真系有过百只；
•之前替部残四每次一熄车，成千上万只行出嚟活动，有大有细。我叫打理永久blacklist（黑台单）𠮶部车，打理攞药去炸曱甴。炸完多过你幅相几十倍都唔止。
资料来源：Peter Pak＠的士司机资讯网 Taxi
相关阅读：搭的士座位惊见两笃屎 乘客竟上车「咁样」坐足全程 司机大赞：佢真系好好！↓↓↓↓
有的士司机去年底在网上分享奇遇，有乘客截的士，开车门上车时，惊见座位上有「两笃屎」，该乘客竟照上车，并用一个方法坐足全程，令司机亦不禁大赞：「个乘客都好好。」↓↓↓↓
