網民集體發雞盲？ 以為係隻狗原來唔係 路人解開謎團與打風有關｜Juicy叮
發佈時間：18:01 2025-10-12 HKT
網上發生網民懷疑集體發雞盲事件，把公園內一件物品看成是狗，最終有路人解開謎團，直指與打風有關。詳情見下圖及下文：
網民集體發雞盲？ 以為係隻狗原來唔係逐張睇↓↓↓↓
樓主：有著衫嘅沙皮狗？
樓主早前在社交平台Threads上載相片發帖，留言指「姑娘唔該我想book（預約）聽日驗眼」，並在留言欄回應網民時，形容「係有著衫嘅沙皮狗！」，並補充事件的前傳「重要前設係上一秒有隻法鬥行過」。
相關閱讀：屯門屋邨怪石成精？ 撞臉復活島石像 網民愕然：唔講唔覺一講就覺
網民力撐：我仍然睇到係隻狗
相中見到，一隻疑似穿紅衣的狗狗蹲在一公園內。不少回應的網民細看相片，也認同相中的是一隻狗狗：
•提早聖誕裝的小狗；
•不能夠怪你，真係幾似；
•第二張相我仍然睇到係隻狗；
•唔怪你，太似一粒毛茸茸狗狗；
•唔怪得你，無撳開張圖嚟睇我都以為係狗；
•我以為係隻狗著住紅色衫喺草地上面屙緊屎；
•遠睇真係以為係㗎！我老花眼，睇第二張，仲要擘大啲先至知唔係；
•望住啲字諗佢唔係狗之後，我有幾秒以為佢係隻馬騮，睇嚟我都要驗下；
•哈哈哈哈哈，我zoom（拉近）大嚟睇仲睇咗一陣間先睇到！不嬲發雞盲；
•我點開睇⋯咪狗囉！再睇下一張⋯係囉、紅衫狗！睇完留言⋯再放大張相睇！Ｘ⋯⋯我唔止要驗眼。
相關閱讀：長洲驚現鱷蹤？ 「鱷魚入海」成觀光熱點 打卡注意：有墮海危險
網民：係斷咗的樹幹還是石頭？
接著有人好奇，這隻疑似狗狗其實是甚麼，查問「所以係斷咗的樹幹還是石頭？」、「我搭巴士經過見到都覺得有少少似」、「佢到底係咩嚟，放大咗都仲係狗，睇嚟要一齊驗眼」。
有知情的路人則留言「嗰次呢度10號（風球）太勁吹斷晒，咪唯有咁樣包住，嗰次返工都路經呢度、見到心諗隻狗做乜坐咁耐，行近啲一睇原來唔係」。
於是有人安慰樓主，「唔緊要，我都試過睇錯飄緊嘅膠袋做雀仔」、「有晚喺屋企樓下見到隻大老鼠，行過驚到彈起，原來係拱起咗嘅樹葉，條柄好長」。
資料來源：kimleung86＠Threads
相關閱讀：長洲驚現人頭石 頭髮轉色會留長變短？ 網民話似陶大宇......（附地圖教路）↓↓↓↓
長洲驚現一塊人頭石，頭髮會隨季節更迭留長變短甚至轉色，網民嘖嘖稱奇。細看輪廓還有點眼熟似一位藝人，於是有人弱弱的說了一句「有少少似陶大宇」↓↓↓↓
