网民集体发鸡盲？ 以为系只狗原来唔系 路人解开谜团与打风有关｜Juicy叮
发布时间：18:01 2025-10-12 HKT
网上发生网民怀疑集体发鸡盲事件，把公园内一件物品看成是狗，最终有路人解开谜团，直指与打风有关。详情见下图及下文：
网民集体发鸡盲？ 以为系只狗原来唔系逐张睇↓↓↓↓
楼主：有著衫嘅沙皮狗？
楼主早前在社交平台Threads上载相片发帖，留言指「姑娘唔该我想book（预约）听日验眼」，并在留言栏回应网民时，形容「系有著衫嘅沙皮狗！」，并补充事件的前传「重要前设系上一秒有只法斗行过」。
相关阅读：屯门屋邨怪石成精？ 撞脸复活岛石像 网民愕然：唔讲唔觉一讲就觉
网民力撑：我仍然睇到系只狗
相中见到，一只疑似穿红衣的狗狗蹲在一公园内。不少回应的网民细看相片，也认同相中的是一只狗狗：
•提早圣诞装的小狗；
•不能够怪你，真系几似；
•第二张相我仍然睇到系只狗；
•唔怪你，太似一粒毛茸茸狗狗；
•唔怪得你，无揿开张图嚟睇我都以为系狗；
•我以为系只狗著住红色衫喺草地上面屙紧屎；
•远睇真系以为系㗎！我老花眼，睇第二张，仲要擘大啲先至知唔系；
•望住啲字谂佢唔系狗之后，我有几秒以为佢系只马骝，睇嚟我都要验下；
•哈哈哈哈哈，我zoom（拉近）大嚟睇仲睇咗一阵间先睇到！不嬲发鸡盲；
•我点开睇⋯咪狗啰！再睇下一张⋯系啰、红衫狗！睇完留言⋯再放大张相睇！Ｘ⋯⋯我唔止要验眼。
相关阅读：长洲惊现鳄踪？ 「鳄鱼入海」成观光热点 打卡注意：有堕海危险
网民：系断咗的树干还是石头？
接著有人好奇，这只疑似狗狗其实是甚么，查问「所以系断咗的树干还是石头？」、「我搭巴士经过见到都觉得有少少似」、「佢到底系咩嚟，放大咗都仲系狗，睇嚟要一齐验眼」。
有知情的路人则留言「𠮶次呢度10号（风球）太劲吹断晒，咪唯有咁样包住，𠮶次返工都路经呢度、见到心谂只狗做乜坐咁耐，行近啲一睇原来唔系」。
于是有人安慰楼主，「唔紧要，我都试过睇错飘紧嘅胶袋做雀仔」、「有晚喺屋企楼下见到只大老鼠，行过惊到弹起，原来系拱起咗嘅树叶，条柄好长」。
资料来源：kimleung86＠Threads
相关阅读：长洲惊现人头石 头发转色会留长变短？ 网民话似陶大宇......（附地图教路）↓↓↓↓
长洲惊现一块人头石，头发会随季节更迭留长变短甚至转色，网民啧啧称奇。细看轮廓还有点眼熟似一位艺人，于是有人弱弱的说了一句「有少少似陶大宇」↓↓↓↓
