巴士冷氣口當私人風筒 女乘客舉手狂吹一貼膚物品 網民傻眼：唔係啩？｜Juicy叮
發佈時間：12:44 2025-08-22 HKT
一名坐於巴士上層的女乘客，早前懷疑公器私用，把巴士上的冷氣送風口當成私人風筒，單手舉起狂吹一貼膚物品。其自私舉動嚇壞網民，有人驚嘆：唔係啩？詳情見下圖及下文：
巴士冷氣口當私人風筒 女乘客舉手狂吹一貼膚物品逐張睇↓↓↓↓
左手舉高高對正風口狂吹
樓主本月15日在社交平台Threads以「黐X線香港」為題發帖，上載從後拍攝的相片及短片，留言指「私人風筒？黐X線」。
當中坐於左邊近車頭位置，夾有鯊魚夾的一名女乘客，右手扶著前椅椅背，左手側拿著兩支化妝掃舉高高，對正冷氣口狂吹。事發時，巴士正駛往青衣方向，並剛好路經前去大嶼山的分叉路口。
網民提醒：好污糟㗎
回應的網民跟現場直擊的樓主一樣驚訝，與樓主一來一往的對答：
•網民甲：個冷氣槽勁污糟；
樓主：是⋯⋯。
•網民乙：唔好話私人唔私人，個效率高咩？吹心理？
樓主：神奇腦迴路。
•網民丙：如果落雨濕咗對襪；
樓主：唔Ｘ敢想像。
•網民丁：好污糟㗎；
樓主：出風口超多菌⋯然後佢掃返落塊面⋯。
相關閱讀：港鐵柴灣綫車廂座椅 離奇遺沾污漬「有味」失物 網民爆笑形容：Ｘ失晾機
網民：好癲、全車底粉味
其他回應的網民也擔心做法不衛生，形容情況「好癲」、「全車底粉味」。不少人指「其實巴士個冷氣都幾污糟的」、「吹晒啲塵落個掃到再用返喺塊面度」、「好熱我都唔會對住自己吹，風糟好污穢，又多菌」、「咁樣吹，係佢白癡喎！咁污穢，之後用嚟掃自己塊面」、「唔係啩？好多mold菌（霉菌），祝佢best of luck（好運）」。
有人笑言女事主應該視「萬物皆我所用」、「呢位阿姐公器私用呀」；有人則關心她把手舉高高一段時間「唔攰咩」、「佢隻手唔攰㗎」。
相關閱讀：自備衣架港鐵車廂扶手環晾衫 網民眼冤：遲啲掛臘鴨曬果皮
網民：表面係化妝掃 實際係自由女神權杖
好想象力的網民則指，「表面上佢係一支化妝掃，其實佢係自由女神權杖」，有人更加上載自由神像的相片和應。
另有網民分享耳聞目睹的奇葩晾曬事件，包括在巴士車廂內張傘、巴士通道欄桿晾衣；還人更留言「直接掛件衫喺度吹乾佢都遇過」、「中學見過同學用課室冷氣吹佢男友條泳褲」。
資料來源：siu4siumuila＠Threads
相關閱讀：暴雨巴士奇景 女乘客「粉紅色不見天物品」晾扶手 網民嘴藐藐：見過阿叔晾底褲↓↓↓↓
本港早前連場暴雨。暴雨下，巴士車廂出現晾曬奇景，一名女乘客竟然在座椅前的扶手上，晾著一對粉紅色的「不見天物品」。有網民原來也曾目睹類似情況，嘴藐藐憶述：「試過搭A23，見住有個阿叔拎咗條底褲出嚟晾」↓↓↓↓
