中環大媽疑抱小童上鋅盤小便 商場廁所洗手盆當馬桶 捱鬧後仲咁樣駁嘴 網民嘔心：啲尿四圍彈｜Juicy叮
發佈時間：11:03 2025-08-22 HKT
商場廁所洗手盆當馬桶！中環有大媽早前懷疑抱小童上鋅盤小便，遭旁人指責後竟然還出言反駁。網民大鬧其離譜行為，並對「啲尿四圍彈」感到極嘔心；有人更指，商場職員「會喺度洗LUNCH BOX（午餐盒），真係多謝佢」。詳情見下圖及下文：
中環大媽疑抱小童上鋅盤小便 商場廁所洗手盆當馬桶 捱鬧後仲咁樣駁嘴逐張睇↓↓↓↓
樓主目擊喺鋅盤度屙尿
樓主早前在社交平台Threads上載相片發帖，留言形容情況「好黐線」，指洗手間內有一名女子「同佢個小朋友喺鋅盤度屙尿，我問佢做乜Ｘ喺鋅盤屙尿，佢：你沒養過小孩嗎？我：？？？？？？我無」。回應的網民追問「之後呢？咁之後點？」，樓主無奈指「無點，我想影清楚啲嗰時，前面黑衫女仔幫佢遮住唔俾我影」。
網民細看樓主覆述「我問佢做乜Ｘ喺鋅盤屙尿，佢：你沒養過小孩嗎？我：？？？？？？我無」的對答後，不憤氣地給教路回應：
•回覆佢：我沒養過小孩，但我有教養！
•答佢，我無，但我做過小孩，我媽教我如何去廁所；
•同佢講教小朋友忍一陣係父母責任，係教育一部份；
•沒養過小孩，但曾經也當過小孩，媽媽都沒有讓我這樣做；
•無養過小孩，但有做過小孩，父母教洗手盆係洗手唔係屙屎尿，你會唔會用馬桶洗碗／整冷麵，有嘅真的無話可說，叫清潔姐姐嚟Ｘ佢哋喇。
相關閱讀：屯門大媽抱小童商場垃圾桶解決 街坊炮轟：轉個彎就有廁所
網民怒斥無衛生常識
另有網民精警地點出事情的重點「整污糟晒洗手個位」、「同有無細路有咩關係？無教養無文化無衛生常識」、「黐孖筋，唔合衛生呀阿嬸！搞到全世界烏煙瘴氣污糟邋遢！」。
有人續指「我湊過都唔會咁做。去水渠都唔一樣，加上洗手盆唔係咁用，啲SHOP（商店）有啲職員會喺度洗LUNCH BOX（午餐盒），真係多謝佢」；並建議「廁所裏面無清潔姨姨？如果有應該要立即通知佢」。
有人則奇怪，「到咗廁所仲要屙洗手盆？啲尿四圍彈好想嘔」、有鋅盤嘅地方，即係已在洗手間？點解唔忍多一陣入去馬桶痾Ｘ飽佢？」。
相關閱讀：港男遊日去廁所𢲷爆頭 奧方 VS 殿方 邊個先係男廁？ 結局大出奇：日本大媽都入錯
網民分享同類怪事
不少網民也曾目擊類似怪事，順道分享吐槽一下：
•我見過喺街邊屙；
•喺大街大巷嘅草叢都見過；
•上次喺紅磡見過一次，O晒嘴；
•早幾日見到佢哋喺洗手盆洗屎忽（屁股），單用手嗰隻；
•今日在尖沙咀一商場都見到，Ｘ，抱住個小朋友喺度洗屎忽；
•有次同在中環商場，冬天見到有個女人直情喺洗手盆幫個B洗屎忽；
•我見過（一）個將小朋友（著住條開襠褲）就咁俾佢坐喺餐枱上面（重點仲係無著（尿）片）。
資料來源：healun_hatelate＠Threads
相關閱讀：大隻佬人有三急 港鐵旺角站彈出彈入 「東莞仔」式借廁所 途人還原事發經過↓↓↓↓
一名人有三急的大隻佬，早前在港鐵旺角站表演彈出彈入，以比電影中「東莞仔」更有勁力的跨欄方法，闖入車站已付車費區域借廁所，過程被途人直擊拍攝下來↓↓↓↓
