中环大妈疑抱小童上锌盘小便 商场厕所洗手盆当马桶 挨闹后仲咁样驳嘴 网民呕心：啲尿四围弹｜Juicy叮
发布时间：11:03 2025-08-22 HKT
商场厕所洗手盆当马桶！中环有大妈早前怀疑抱小童上锌盘小便，遭旁人指责后竟然还出言反驳。网民大闹其离谱行为，并对「啲尿四围弹」感到极呕心；有人更指，商场职员「会喺度洗LUNCH BOX（午餐盒），真系多谢佢」。详情见下图及下文：
中环大妈疑抱小童上锌盘小便 商场厕所洗手盆当马桶 挨闹后仲咁样驳嘴逐张睇↓↓↓↓
楼主目击喺锌盘度屙尿
楼主早前在社交平台Threads上载相片发帖，留言形容情况「好黐线」，指洗手间内有一名女子「同佢个小朋友喺锌盘度屙尿，我问佢做乜Ｘ喺锌盘屙尿，佢：你没养过小孩吗？我：？？？？？？我无」。回应的网民追问「之后呢？咁之后点？」，楼主无奈指「无点，我想影清楚啲𠮶时，前面黑衫女仔帮佢遮住唔俾我影」。
网民细看楼主覆述「我问佢做乜Ｘ喺锌盘屙尿，佢：你没养过小孩吗？我：？？？？？？我无」的对答后，不愤气地给教路回应：
•回复佢：我没养过小孩，但我有教养！
•答佢，我无，但我做过小孩，我妈教我如何去厕所；
•同佢讲教小朋友忍一阵系父母责任，系教育一部份；
•没养过小孩，但曾经也当过小孩，妈妈都没有让我这样做；
•无养过小孩，但有做过小孩，父母教洗手盆系洗手唔系屙屎尿，你会唔会用马桶洗碗／整冷面，有嘅真的无话可说，叫清洁姐姐嚟Ｘ佢哋喇。
相关阅读：屯门大妈抱小童商场垃圾桶解决 街坊炮轰：转个弯就有厕所
网民怒斥无卫生常识
另有网民精警地点出事情的重点「整污糟晒洗手个位」、「同有无细路有咩关系？无教养无文化无卫生常识」、「黐孖筋，唔合卫生呀阿婶！搞到全世界乌烟瘴气污糟邋遢！」。
有人续指「我凑过都唔会咁做。去水渠都唔一样，加上洗手盆唔系咁用，啲SHOP（商店）有啲职员会喺度洗LUNCH BOX（午餐盒），真系多谢佢」；并建议「厕所里面无清洁姨姨？如果有应该要立即通知佢」。
有人则奇怪，「到咗厕所仲要屙洗手盆？啲尿四围弹好想呕」、有锌盘嘅地方，即系已在洗手间？点解唔忍多一阵入去马桶疴Ｘ饱佢？」。
相关阅读：港男游日去厕所𢲷爆头 奥方 VS 殿方 边个先系男厕？ 结局大出奇：日本大妈都入错
网民分享同类怪事
不少网民也曾目击类似怪事，顺道分享吐槽一下：
•我见过喺街边屙；
•喺大街大巷嘅草丛都见过；
•上次喺红磡见过一次，O晒嘴；
•早几日见到佢哋喺洗手盆洗屎忽（屁股），单用手𠮶只；
•今日在尖沙咀一商场都见到，Ｘ，抱住个小朋友喺度洗屎忽；
•有次同在中环商场，冬天见到有个女人直情喺洗手盆帮个B洗屎忽；
•我见过（一）个将小朋友（著住条开裆裤）就咁俾佢坐喺餐枱上面（重点仲系无著（尿）片）。
资料来源：healun_hatelate＠Threads
相关阅读：大只佬人有三急 港铁旺角站弹出弹入 「东莞仔」式借厕所 途人还原事发经过↓↓↓↓
一名人有三急的大只佬，早前在港铁旺角站表演弹出弹入，以比电影中「东莞仔」更有劲力的跨栏方法，闯入车站已付车费区域借厕所，过程被途人直击拍摄下来↓↓↓↓
