酷熱著少布 「𥄫女黨」衝突頻生 港女斥猖獗：前世未見過女人咁 「視姦vs望唔蝕」掀議｜Juicy叮
發佈時間：12:11 2025-07-08 HKT
酷熱天氣持續，女士們難免著得少布一點，「𥄫女黨」乘時湧現，網絡最近涉及「𥄫女黨」的衝突頻生，部分甚至有偷拍行為，有港女搭巴士5分鐘內被「𥄫女黨」猥瑣眼望望，她怒斥猖狂：「前世未見過女人咁！」
「𥄫女黨」行為掀起網民熱議，有人指是「視姦」有性騷擾之嫌，有人則認為「望唔蝕」。有大律師接受《星島頭條》查詢時指出，部分行為或涉嫌觸犯窺淫罪、遊蕩罪。
酷熱著少布「𥄫女黨」衝突頻生 港女斥：前世未見過女人咁 「視姦vs望唔蝕」掀議↓↓↓↓
本港連日天氣酷熱，天文台昨（7日）便錄得34.3度最熱小暑，市民都以少布輕裝迎戰炎夏，最近，多個社交平台涉及男子「𥄫女」及偷拍女子的衝突，亦頻繁出現。
有港女在社交平台Threads發相及影片，公審一名「四眼男」，在290X巴士上「開車5分鐘 望望望望望望望」。片中該坐前座的男子，不斷擰頭「𥄫女」，被𥄫港女斥行為猖狂：「前世未見過女人咁」，她無奈說：「......佢係咁望，昅足30分鐘，真係令我覺得反感好嘔心。」
港女：點解要咁樣望我？好反感好嘔心
另有港女出帖公審一名男子在港鐵時，於對面座「牛咁眼」望住她，她發相質問說：「點解要咁樣望我？」
部分「𥄫女黨」更涉及以手機偷拍女子，有港女發相公審一名阿叔，站在她前面偷偷以手機拍她，事件被另一男乘客「黃雀在後」捕過正著。
女事主公開照片看到該阿叔，扮睇手機卻「Zoom近」女子胸部位置。事件被揭發後，女事主竟發現「偷影嘅阿叔，就一直坐我隔離嘅隔離到尾站，完全冇尷尬，覺得自己冇問題」。
女事主多要求刪相了事 沒報警
有帖文則看到有男子乘戴黑色太陽眼鏡之便，偷偷在巴士車廂𥄫女，甚至偷拍，但最後因為「黑超」反光，被女事主發現。
帖文看到不少女事主，當發現被偷拍時，多要求男子刪除相片，但沒有報警，有女事主解釋不報警是因為「趕時間」。
網民反應兩極：望下姐，可能你靚女望多眼
網民對於「𥄫女黨」的行為反應兩極，有人認為「𥄫女」無犯法，「粒個頭套出街囉。」「算啦，都係望下姐，可能你靚女望多眼，輕鬆d啦，都唔係大事。」「你肯定好靚，人哋先望多你兩眼。」
有網民又質疑：「如果係靚仔，成件事又唔同晒？」
不少人撐女事主：畀人望嗰個反而錯？依家到底發生咩事...
不過，亦有不少網民撐女事主，形容行為是「視姦」，有性騷擾之嫌，「依家到底發生咩事...點解咁樣望人都有人覺得係合理，甚至係覺得畀人望嗰個做錯。」
有女網民感同身受指出，對方𥄫女並非普通望一望，而是持續望到實，構成騷擾，「有時真係會好不安，尤其是要困住一個地方。」
部分女事主亦有留言指出：「女仔都有著衫自由，著得靚啲係冇問題，有問題嘅就係條友，望足30分鐘不停轉頭望，會令人覺得畀人騷擾。」「其實女仔著唔著裙、著唔著吊帶，都唔應該成為一個畀人騷擾嘅理由！」
大律師：行為或涉觸犯窺淫罪、遊蕩罪
大律師陸偉雄早前接受《星島頭條》查詢時指出，若偷拍行為涉及高炒低炒拍攝私密部分，或聚焦放大拍攝女子的敏感部分，偷拍者便可能觸犯窺淫罪，最高刑罰為監禁5年。
陸偉雄又指出，若男子有涉及跟蹤女子等犯罪情節，導致女子合理地擔心本身的安全或利益，便可能觸犯遊蕩罪，遊蕩罪一經定罪，可處監禁2年。
他呼籲隨街拍攝別人，為免引起爭駁或可能觸犯刑法，應事先徵得當事人同意。
同場加映：鹹濕仔小巴偷拍「捉到正」 短裙女做錯一舉動 結局大反轉↓↓↓↓
