網民盤點「香港免費資源」！激讚5大福利「越早知道越好」免費做Gym/用電腦/抽血兼驗肺唔止長者有份？

更新時間：15:51 2026-08-19 HKT
發佈時間：15:51 2026-08-19 HKT

自從社交平台「Threads」盛行，就成為了香港人分享生活智慧的熱門地。近日有網民在 Threads 上發起討論：「香港有啲咩免費資源，係你覺得大家越早知道越好？」隨即引來無數網民熱烈回應，紛紛獻出自己的私藏「著數」名單。不少人看後驚嘆：「呢個post問得真係好，幫到好多人」、「夠晒料，直接問先夠霸氣！」以下為大家整理出最受網民推介的 5 大範疇免費資源，讓大家適時享用應得福利。

1. DHC地區康健中心「當大人版青年中心」

政府轄下的「DHC地區康健中心」被網民形容為「大人版嘅青年中心」。

網民分享，在「DHC地區康健中心」可以免費做gym。

政府近年大力發展的「DHC地區康健中心」，被網民形容為「大人版嘅青年中心」。持有有效香港身份證的香港居民，並同意加入「電子健康系統（醫健通）」即可免費登記成為會員。

服務範圍包羅萬有，包括運動課程、防跌訓練、健康評估等。網民大讚：「其實區區都揼咗好多錢落去，有啲有健身器材，冇人去搞到啲staff得閒到自己返工時做埋gym。」會員可透過手機 App 報名每季的班，網民指：「staff 會教點用，每季的班也是用app報名再抽籤，網上公布結果。」

地區康健中心詳情 >>按此<<

2. Y.E.S.青年就業起點「唔用對唔住交稅爸媽」

Y.E.S.為會員提供辦公室設備，包括載有設計軟件的個人電腦、傳真機、打印機、掃描器等。

針對 15 至 29 歲的年青人，勞工處的「 Y.E.S.青年就業起點」簡直是尋寶地。凡成功登記成為會員的青年，就可免費使用各種Y.E.S.設施及服務，包括參加各類大型活動、培訓課程等等，涵蓋藝術、AI、科技、創業等各類型內容。

網民熱烈推介：「15至29歲參加所有課程同活動都唔使畀錢，又可以上去免費用 printer 同電腦，唔用盡佢都對唔住要交稅嘅爸爸媽媽。」有網民看後表示羨慕：「嘩，好多有用嘅課程同活動啱晒年青人」，亦有人大感嘆息：「可惜我啱啱過咗29歲，太遲知道了。」

Y.E.S. 青年就業起點詳情 >>按此<<

3. 健康同行免費抽血/LDCT電腦掃描驗肺

健康無價，但識得尋找資源，就有機會連檢查費都省下。有網民強烈呼籲參加由香港大學與香港聖公會福利協會推行的「香港大學吸煙人士健康同行計劃」。只要是 50 至 79 歲，且有吸煙史或已戒煙（吸煙史達 20 包年以上）的人士即可登記。這項計劃承諾在 5 年內包 3 次免費抽血檢查，更有機會抽中免費做 LDCT 低劑量電腦掃描（驗肺）。網民力薦：「全程費用全免，早驗早安心～快啲 save 低send畀屋企人同朋友啦！」

香港大學吸煙人士健康同行計劃詳情 >>按此<<

4. 懶人拍拖出街救星！網民自製超強免費 App 獲大讚

有網民推薦自家開發的免費「好去處」App。

討論區中不乏隱世高手，有網民就推薦了自家開發的免費 App：

DayDayDate：整合全港好去處，還可以叫 AI 規劃一日行程。網民大讚：「剛下載了，概念幾好」、「呢個 App 真係夠晒料，一撳就知去邊，霸氣！」、「AI幫手plan行程，就係我呢啲懶人嘅救星啦！」
thisistheplaceapp：免費巴士 App，「唔使開 App 都可以睇時間」。

5. 隱藏版福利：ERB 免費課程、政府物流署拍賣睇 Hermes？

除了上述福利，網民還分享了以下免費資源：

失業進修：失業人士可以報讀 ERB 免費課程，有網民重點推介導遊課程：「出去讀都幾貴，ERB免費」。
公共圖書館與電子書：除了「冷氣任涼、報紙雜誌書任睇」外，還可以用 Hyread（台灣書多）、overdrive（配合 Libby App，英文及香港書多）以及 Kono Libraries（免費睇雜誌）。
青少年中心：大部分針對 6-24 歲，提供大量便宜或免費的活動。
政府物流服務署拍賣：雖然拍賣本身不免費，但網民驚呼可以「免費去睇人拍賣」長知識，更爆料指「政府成日都有一堆好嘢拍賣，鑽石同 HERMES（愛馬仕）都有喎，真係估佢唔到！」
其他福利：體育館免費浴室、食物銀行、膠樽回收換錢等。