$83「神奇止咳茶」爆紅！網民實測兩支久咳斷尾 勁過睇醫生？「咳到肺癆咁都得」
發佈時間：12:42 2026-08-17 HKT
天氣反覆，不少市民大呻感冒後「久咳不癒」。近日，一款售價$83的「止咳」涼茶在社交平台 Threads 上爆紅。有受久咳困擾的網民實測飲用兩支後，竟然成功「KO」咳嗽，神奇功效引發網民熱烈討論！
咳足一個月不斷尾 買$83涼茶被嘲「不如買啤酒」
事緣有網民在 Threads 上發文，表示自己咳嗽長達一個月，期間看過三次西醫、吃了兩次抗生素，康復一星期後又再復發。事主大嘆「真係中藥、西藥、感冒茶全部都試完」，依然未能斷尾。無計可施下，事主託同事買來近期 Threads 上極具人氣的止咳茶。不過，高達$83一支的定價卻惹來同事揶揄：「$83蚊支？！我買到一排啤酒呀，你飲啤酒都可以清熱啦，咪嘥錢啦！」
親試兩次KO久咳 大讚：少咗敏感咳
雖然被嫌貴，但事主依然買了來試。飲用後表示味道「少少薄荷，有啲似感冒茶」。當晚7時半飲用大半支後，已覺得「少咗好痕嗰種敏感咳，仲有啲痰喺喉嚨」。事主聽從建議連續兩日飲用，其後更附上清空「吉樽」的圖片驚喜補充：「連續飲咗兩日，掂！」
網民力撐 「當藥飲其實唔算貴」
帖文一出，隨即引來大批過來人共鳴與熱烈討論。不少曾飲用的網民紛紛留言力撐有效：「飲完明顯覺得條氣順咗」、「半夜咳到肺癆咁滯嗰陣你咩方法都要試㗎啦，飲咗2劑好番晒」、「我上星期中咗covid冇食西藥淨係飲佢，6日好番晒」。
對於$83的定價，不少網民認為物有所值：「我第一次買都有啲猶豫，覺得好貴。不過飲落真係似我睇中醫配嘅藥…… 當藥飲其實唔算貴」。更有網民分享實用情報，指店舖的膠袋夠厚身「攞嚟袋遮好好用」，並推薦同店的「啫喱喉糖」長期放於公司看門口；有網民則透露產品曾一度售罄，甚至有 WhatsApp 群組專門更新各區超市的返貨情況。
拆解神奇止咳茶？ 連翹、板藍根抗病毒
翻查資料，網民力推的是「良茶隅」出品的百草茶。良茶隅最初於沙田經營中藥行，主打自製涼茶服務街坊，現已發展至擁有多個零售點及於各大超市上架。根據官方宣傳及產品圖片顯示，該百草茶由二十多種珍貴藥材熬製而成，當中包括具抗病毒功效的金銀花、連翹、板藍根以及潤肺止咳的桔梗等等。官方指其功效涵蓋流感病毒、疫後久咳、喉嚨痛，甚至牙肉腫痛及痱滋等。
雖然百草茶備受網民推崇，但飲用時必須注意份量與體質。官方建議，一樽百草茶等於兩劑份量，需分兩次飲用。此外，事主亦貼心提醒網民，購買前應向職員查詢自己屬於「寒底」或「熱底」。官方資料亦明言，孕婦、蠶豆症患者及哺乳中媽媽均不宜飲用，市民購買及飲用前應多加留意。
圖片及資料來源：jaceysumsum＠Threads、良茶隅
同場加映：灣仔驚現$9激平餐？有雞髀飯/牛丼飯！賣到凌晨2時 網民嘲：宵夜從此多人食過晚餐
