公屋單位袖珍廁所掀熱議港人好奇「大家會點設計？」網民提醒1點：唔好亂咁改

更新時間：13:15 2026-04-01 HKT
發佈時間：13:15 2026-04-01 HKT

香港公屋設計以實用為主，部分供一至二人入住的單位面積偏細，在裝修設計時難免遇上問題。近日，有網民在社交平台群組發文：「有無人屋企單位個廁所係細到咁」，並好奇其他公屋住戶會如何設計及裝修廁所，引起不少網民留言討論，有人坦言部分屋邨單位廁所設計的確頗為狹窄，形容「一個人入去都有困難」，也有人提醒1點，建議「唔好亂咁改」，即睇詳情。

公屋單位袖珍廁所掀熱議港人好奇「大家會點設計？」

最近，有網民在社交平台「公屋討論區」發文，同時附上一張公屋單位的廁所照片，疑問「有無人屋企單位個廁所係細到咁？好好奇你地點設計呢個廁所？」據照片顯示，單位廁所呈三角形，僅見有馬桶及洗手盆，空間極為狹窄。

網民提醒1點：唔好亂咁改

帖文一出，隨即吸引不少網民留言。有人坦言部分屋邨的廁所設計狹窄，「見過寶田邨係咁，一個人入去都有困難」、「寶田邨都係一樣，要減肥才可入住」、「我第一派的廁就係咁，廚房都好細，但相對卧室就大。我無要，因年紀大，咁細廁所好易出事」、「公屋一人單位多數係咁㗎啦！」；有人則表示雖然廁所面積細，但已比起在外面租住的劏房好，「好過住劏房先啦……記住平過劏房租金呀」、「有得住己經好好」。

至於設計方面，有網民提出實際建議，「買咗嘅話，打咗幅斜牆佢，記得搞好防水，加大厠所，改去廳窗邊放爐頭；交租就唔好搞咁多野，橫掂住唔長」、「加高個馬桶位置，洗手盆裝出邊，就應該闊落啲啦」；也有網民認為無需花太多心思，「夠基本需要就夠，乜都唔整最好」，又提醒搬離時需要還原單位，「千祈唔好亂咁改呀，當你唔住嗰陣時要還原返本身咁樣」，建議少改動原先設計較佳；有網民更揮創意，笑言可將「喉管改成綠色，之後安上幾隻瑪利奧公仔」，為小空間增添樂趣。

來源：Facebook

文：LW