京東直線抽擊本地電腦舖！拒換「死點MON」引熱議：「間鋪唔肯換？唔使驚！」網民：咁你包唔包

更新時間：15:32 2025-08-27 HKT
發佈時間：15:32 2025-08-27 HKT

內地電商「京東」自攻港以來宣傳攻勢不斷，又不時推出優惠吸客。近日，有港人在網上論壇投訴本地電腦零售商拒絕更換「死點MON」（即有螢幕壞點問題的電腦屏幕），而京東隨即在官方社交平台專頁發文「直線抽擊」，揚言「間鋪唔肯換？唔使驚！」又稱「好難想象仲有商戶有質量問題都唔俾退貨」，吸引網民因此留言提問：「咁你包唔包？」詳情即看下文！

京東借本地電腦舖拒換「死點MON」直線抽擊網民群起留言：咁你包唔包？

京東日前在其社交平台專頁發文，文中提到「你部Mon係咪開咗粒『黑芝麻』？間鋪唔肯換？唔使驚！」又指「我哋京東睇唔過眼」決定出手送「一部靚嘅新mon！」從內容上來看似是推介網民到京東平台買電腦螢幕，事實上，帖文配有一則網上論壇帖文截圖，疑是意有所指，借有市民投訴本地電腦舖拒換「死點MON」的風波「直線抽擊」，宣傳自家平台設「30天質量問題退貨」等服務。

帖文一出，隨即吸引不少網民就京東此舉而留言提問：「京東包0死點光點」、「水就抽左啦，係唔係包零死點先」、「京東電商提供螢幕0死點政策嗎？」其實今次已是京東就「死點MON」風波發出的第2篇「直線抽撃」帖文，於同日的較早時段，京東曾以「香港電腦節某知名經銷商大型翻車現場」、「商家嘅鐵拳-你可以唔啃！」首度發文「出撃」。

網民購「盲盒MON」現1死點欲換貨遭拒本地電腦舖發文惹公關災難

今次事件源於有網民早前於電腦節以$3,999「抽盲盒」方式購入一個電腦螢幕，惟事後發現螢幕有1點「壞點」，於是向店方反映，惟店方以代理要求「最少要3粒死點（壞點）才可更換」為由，拒絕事主換貨。及後，店方更在其社交平台專頁發文，文中使用的標籤（Hashtag）更引起網民不滿，其後解釋指「原本Hashtag只想引出問題共同討論，怎料造成大家更大誤會及不愉快」，主動刪除Hashtag，並作公開致歉。

文：TF

資料及圖片來源：JD.COM 京東港澳@facebook