屯馬綫列車座位現不明血跡港女善後突被中年男乘客批「好核突」斥思想落後：祖師爺阿媽都會嚟M啦！

更新時間：15:39 2025-08-21 HKT
發佈時間：15:39 2025-08-21 HKT

女性月經是自然生理現象，不過尷尬情況時有發生。最近有港女乘搭屯馬綫時，發現座位上出現不明血跡，一度以為是因自己經期來臨導致，急忙清理時卻遭中年男乘客冷言冷語，更被指「好核突」。事主事後在社交平台分享，直斥男乘客思想落後，今時今日仍抱「月經羞恥」的想法，更引用電影《破．地獄》的對白：「祖師爺阿媽都會嚟M啦！」隨即引發網民熱議。

屯馬綫列車座位現不明血跡港女善後突被中年男乘客批「好核突」

最近有網民於Threads發文分享乘搭港鐵屯馬綫時的尷尬遭遇。事主指當時自己身穿白色褲，在車廂就坐後看到旁邊乘客下車，於是便轉移至其座位，此時卻意外發現原座位留有血跡，誤以為自己經期來潮，於是急忙用紙巾清理。此時，附近兩名中年男乘客議論道：「抹完都唔會坐」、「好核突」，令她感到不被尊重。

抵達紅磡站後，事主立即前往廁所檢查，確認自己「冇嚟M」，而且「褲亦都冇任何紅色血跡」，於是推測血跡可能來自早前一位由屯門到天水圍下車的女乘客，或更早由天水圍到錦上路的一名男乘客。事主表示：「我唔責怪嗰位漏M嘅女仔，冇睇清楚有冇血跡就坐係我唔啱，我亦都幫手抹返。」她對兩名男乘客的冷言冷語表示失望，斥對方思想落後：「2025年唔好再月經羞恥啦。祖師爺阿媽都會黎M。」

網民反應兩極：無月經就唔會有男人VS正常見到都唔會敢坐

事件在網上引發廣泛討論，有網民讚揚事主善心，留言稱：「樓主你係好人，明知唔係自己既都抹乾淨。」、「你並無做錯任何事，你超有公德心，值得稱讚！」並諷刺議論的乘客：「M血抹一抹就無咗，阿叔口臭就跟佢成世嘅，邊個恐怖啲真係一目了然。」、「男嘅點會明，應該同佢講：女嘅冇m，你就唔會出現，除非你石頭爆出嚟。」、「阿叔都係嚟自M嘅地方。」、「建議答：你都係喺你老母嗰X岀嚟，又唔見你話自己核突？」有人幽默猜測血跡來源：「有無可能係呀叔爆痔瘡？」

不過亦有人認同「抹完都唔會坐」的觀點：「的確抹完冇消毒過都唔應該坐返落去，真係唔知咩血嚟，m血都係血，可以帶菌帶病毒有傳染性。」、「你都無消毒，抹完都唔會坐係正確。」、「你又肯定啲血係M嚟？正常見到都唔會敢坐啦！」、「其實阿叔講得無問題，佢又唔係話你。」、「唔坐咪唔坐，好閒啫，不過就可以唔講出聲嘅。」

來源：Threads