朋友聚會夾錢釀大戰？單獨赴會VS一家大細 1計方式數引爭議 網民斥：成班搵人笨！
發佈時間：17:06 2025-07-16 HKT
隨住年紀漸長，出席聚會難免會有朋友帶同小朋友出席，不過大家會如何夾錢計數呢？最近有本地插畫師分享見證有小朋友家庭與單獨赴會的友人之間的矛盾，從叫外賣要遷就小朋友口味到家長為孩子搶食物，最後夾錢計法令這位獨自出席的友人大動肝火。惟這位友人最後被形容為「同小朋友斤斤計較嘅人」。不少網友同情這位友人，更力撐應該要發火：「成班搵人笨！」
無小朋友VS有小朋友家庭聚會夾錢 單刀赴會友人不滿計法被指「斤斤計較」
朋友間聚餐夾錢大多以除開人頭計算，不過出席場合有小朋友家庭出席的話，計算方法或許有些分別。近日有本地插畫師與友人一同參與朋友聚會，二人均沒有小朋友，其他幾組家庭平均帶同1至3位小朋友出席。
從叫外賣開始，該名獨自出席的友人已開始累積不滿。由於現場小朋友較多，各位家長要照顧到小朋友需要，每位小朋友口味特別，有些要求壽司、薄餅，又或是雪糕、珍珠奶茶，甚至有小朋友「要自己一份雞蛋仔」，其他家長則手以「阿邊個小朋友鍾意食㗎」為由一併落單。
直到開餐時，家長都將最好的食物留給孩子，「搶晒畀小朋友，小朋友又浪費」，導致其他人只能吃他們「搶剩」的食物。直到夾錢時，單獨赴會的友人終於「頂唔順」，原來夾錢單位以「家庭」計算，即是5個人與1個人夾錢都是一樣，計算下來每個單位「約600蚊」。友人最後都有夾錢，但卻被現場其他朋友定性為「咁都要同小朋友斤斤計較嘅人」，事主料日後的朋友聚會不會再見到這位友人。
網民力撐要發火：成班搵人笨！
對於這位友人的經歷，大多網民力撐應該要發火，認為朋友們沒家教，「成班搵人笨唔講？自己得益就覺得無問題反而係人哋計較」、「呢種飯局我試過，仲帶埋工人姐姐嚟食，搵人笨果班人，收完錢就沾沾自喜」。
有網友同情被批評友人的處境，「好似朋友A照顧咗大家，但係大家好似從來無照顧過A嘅感受」、「完全無視同枱其他人嘅需要」、「錢銀事小，有無嘗試用同理心了解朋友A嘅感受反而事大」。心水清網民表示其實並非有沒有小朋友家庭紛爭，而是「有冇家教朋友紛爭」；有身為家長的網友分享較佳的夾錢方法，「大人1.0，3歲以上小朋友0.5」，甚至有網民提出10歲以上當1人計算，希望能做到公平。
文:RY
資料及圖片來源:Threads
延伸閱讀：新同事如廁頻繁留「震撼污漬」！港女崩潰呻核突「好想叫佢自己清潔返」 網民笑：濕熱先有痕跡
