電掣內藏逾20隻來歷不明白色蛋！港女崩潰求救 網民急回「唔好搞佢」：居家盟友！
發佈時間：14:56 2025-05-13 HKT
近日，有網民拆開室內一處電掣後，發現裡面竟然藏有近20隻不明白色蛋，大驚之下在社交平台上傳照片向網民求救「乜嘢嚟」，獲大量網民蜂湧留言解畫，指出這些白色蛋的真正身份是壁虎（又稱檐蛇、四腳蛇等），形容是家居的「清潔工」，可以幫忙殺滅害蟲，更表示是「居家盟友」，「食小強一流，居家嘅妙品」！
拆開電掣驚見20隻白色蛋！港女崩潰求救「乜嘢嚟？」
有港女日前在Threads發文，表示在室內拆開一個電掣後，發現內藏有約20隻「不明來歷」的白色蛋，從照片可見有部分已破殼，地上亦有碎裂的蛋殼，震撼的畫面令事主不知所措，並在網上向網民求助：「乜嘢嚟」。
網民急回「唔好搞佢！」揭真身原來是「居家盟友」
不少網民看到照片後隨即留言為事主「解畫」，指白色蛋的「真身」其實是壁虎蛋，「檐蛇蛋，唔好整爛佢啦」、「只要環境夠黑同窄就有機會見到」；又猜測事主所在的環境不太乾淨，「證明佢屋企好污糟」、「你屋企有就代表你屋企需要佢地，唔好搞佢地，幫緊你。」
一眾網民更大讚壁虎是益蟲，可以幫家居殺滅害蟲，尤其是曱甴，「有四腳蛇嘅屋企無蚊蟲曱甴，都唔明點解啲人見到佢地要殺咗佢」、「清潔工黎，幫你捉害蟲」、「食小強一流，居家嘅妙品」、「敵人的敵人，是友軍」、「益蟲嚟㗎，我屋企都養咗唔少隻食到肥屍大隻」、「我屋企都係靠呢班小朋友先無強敵出現咋，居家盟友嚟架！」
網民羨慕：你唔要比幾隻我
有網民更表示羨慕直言「好想要」：「你唔要比幾隻我，最近屋企嗰隻唔見左，搞到多左好多蚊蟲好頭痛」、「你唔養送俾人養……屋企小強多的話需要佢地幫手食咗啲小強蛋」、「我勁想屋企有，可以食晒窗飛入嚟啲唔知乜嘢嘅黑滋」。
有網友亦趁機分享與壁虎「同居」的趣事：「佢哋夜晚會奸笑，如果屋企有四腳蛇會明我講乜」，引來其他網民分享經歷，「睇電視嗰陣聽到佢哋叫，我會『Sh!』佢，佢哋話會收聲」、「好似話係屋企多過一隻就會，我試過聽佢地喺廳對角互相呼應」，相當搞笑！
文：LW
來源：Threads
延伸閱讀：公屋女住戶憑1計劃申請半年即獲派火炭屋邨！新屋寬敞開揚明言「開心過中六合彩」 網民推測身份惹熱議
