电掣内藏逾20只来历不明白色蛋！港女崩溃求救 网民急回「唔好搞佢」：居家盟友！
发布时间：14:56 2025-05-13 HKT
近日，有网民拆开室内一处电掣后，发现里面竟然藏有近20只不明白色蛋，大惊之下在社交平台上传照片向网民求救「乜嘢嚟」，获大量网民蜂涌留言解画，指出这些白色蛋的真正身份是壁虎（又称檐蛇、四脚蛇等），形容是家居的「清洁工」，可以帮忙杀灭害虫，更表示是「居家盟友」，「食小强一流，居家嘅妙品」！
拆开电掣惊见20只白色蛋！港女崩溃求救「乜嘢嚟？」
有港女日前在Threads发文，表示在室内拆开一个电掣后，发现内藏有约20只「不明来历」的白色蛋，从照片可见有部分已破壳，地上亦有碎裂的蛋壳，震撼的画面令事主不知所措，并在网上向网民求助：「乜嘢嚟」。
网民急回「唔好搞佢！」揭真身原来是「居家盟友」
不少网民看到照片后随即留言为事主「解画」，指白色蛋的「真身」其实是壁虎蛋，「檐蛇蛋，唔好整烂佢啦」、「只要环境够黑同窄就有机会见到」；又猜测事主所在的环境不太干净，「证明佢屋企好污糟」、「你屋企有就代表你屋企需要佢地，唔好搞佢地，帮紧你。」
一众网民更大赞壁虎是益虫，可以帮家居杀灭害虫，尤其是曱甴，「有四脚蛇嘅屋企无蚊虫曱甴，都唔明点解啲人见到佢地要杀咗佢」、「清洁工黎，帮你捉害虫」、「食小强一流，居家嘅妙品」、「敌人的敌人，是友军」、「益虫嚟㗎，我屋企都养咗唔少只食到肥尸大只」、「我屋企都系靠呢班小朋友先无强敌出现咋，居家盟友嚟架！」
网民羡慕：你唔要比几只我
有网民更表示羡慕直言「好想要」：「你唔要比几只我，最近屋企𠮶只唔见左，搞到多左好多蚊虫好头痛」、「你唔养送俾人养……屋企小强多的话需要佢地帮手食咗啲小强蛋」、「我劲想屋企有，可以食晒窗飞入嚟啲唔知乜嘢嘅黑滋」。
有网友亦趁机分享与壁虎「同居」的趣事：「佢哋夜晚会奸笑，如果屋企有四脚蛇会明我讲乜」，引来其他网民分享经历，「睇电视𠮶阵听到佢哋叫，我会『Sh!』佢，佢哋话会收声」、「好似话系屋企多过一只就会，我试过听佢地喺厅对角互相呼应」，相当搞笑！
文：LW
来源：Threads
延伸阅读：公屋女住户凭1计划申请半年即获派火炭屋邨！新屋宽敞开扬明言「开心过中六合彩」 网民推测身份惹热议
