32歲港女擁5物業反蝕千萬 樓價大跌成負資產 慘呻「每餐食得$1000」 網民：曬命定訴苦？
發佈時間：16:30 2025-05-08 HKT
香港樓市自2022年「見頂」後持續回落，至今樓價已下跌近三成，今年第一季負資產住宅按揭貸款宗數亦隨之升至近4.1萬宗，創下22年新高。近日，Now新聞台時事專題節目《經緯線》以〈再見負資產〉作專題報道，其中32歲的Charlene在大學時期就開始在深圳買樓置業，其後再於香港及澳門買樓，現時一共持有5個物業。惟近年樓價下降，她手持的5個物業中有3個成為「負資產」，帳面損失上千萬元，讓她慘呻生活質素下降：「冇錢開飯日日喊」、「銀行戶口得返5、6千」，即看下文了解詳情。
32歲港女大灣區擁5物業 高峰時期身家達千萬
近日，Now新聞台時事專題節目《經緯線》以〈再見負資產〉作專題報道，今年32歲的Charlene在讀大學時已經開始炒股票，當時賺了數十萬元，於是決定在深圳寶安區買樓置業做業主。她在2015年4月以175萬元人民幣購入深圳寶安區一個逾千平方呎的單位，持有約8個月後以約300萬元人民幣轉手賣出，「嗰陣我會覺得自己我keep住炒樓嘅話，可能1年幾百萬都搵到，即係好快會搵到幾千萬身家」。
Charlene大學就讀護理系，畢業後成為斜槓族，部分時間做兼職護士，其餘時間則為一些公司籌辦活動，加上炒樓的收入，高峰時期身家可達上千萬元。其後，她先後在深圳及澳門購入4個出租物業，並在4年前支付2成首期，以買入價950萬元購入位於新界西的自住單位，「當時未夠30歲已經有5個物業，覺得自己跑贏同齡人好多」。
樓價大跌變負資產 港女慘呻「食一餐得返$800」：冇錢開飯日日喊
但後來Charlene發現自己「摸頂」入市香港單位，至今供款4年，仍欠銀行700多萬元，惟物業估價卻下跌至不足700萬元，已經成為「負資產」。Charlene表示，去年收入大減時最難捱，為支付5個物業每月合共約6萬元的供款，需要在積蓄中拿出3、4萬元還款，「上年最差的時候，銀行戶口得返5、6千，但係我又要交雜費，差餉、水電煤」、「我冇錢開飯，嗰陣我係日日喊囉，其實都唔知點搞」。
Charlene更抱怨，自己為了供香港單位而犧牲了生活質素，「我之前食開一餐就$2、3,000嘅，但依家有時就變咗食lunch囉，可能$800至1,000咁樣囉」、「以前買開MS、LV（名牌手袋），而家可能買幾百、1千的包包」。
現時Charlene手持的5個物業中，有3個是負資產，帳面損失上千萬元，十年努力「一鋪清袋」，她指出「我覺得置業一定要，但唔好借到盡」。Charlene表示，「我覺得自己最錯就係笠咗太大頂帽俾自己，大灣區加埋澳門加埋香港都借咗$2000萬」。而今次樓市下行，也讓她得到很大教訓，「其實係資本去鼓勵啲人俾一兩成首期，跟住慢慢供，個個都用槓桿去買樓去消費，咁當時個經濟咪好囉，但係其實個人層面同社會層面係兩回事嚟㗎嘛，你應該係考慮自己個未來，唔係跟住個社會去轉。」
網民熱議：每餐成千元仲呻慘？
影片在網上討論區LIHKG引起不少網民討論，不少人都對Charlene的金錢觀感到驚訝，「以前一餐飯2-3000蚊，要供樓而家食lunch 800-1000蚊」、「供到即係無事，仲可以餐餐一千幾百，根本仲係小富婆」、「想知食咩可以一餐飯兩三千，餐餐喎，淨係計晚飯個餐都好甘」、「貧窮限制思想，原來負資產都可以咁離地」、「我都唔知自己睇咗啲乜，銀行無晒錢但又可以食咁貴」。
也有網民欣賞Charlene的心態，「其實條女好正面，手執3間負資產都搵到財路，有啲人係犀利嘅」、「都唔知話佢犀利定好彩，佢好執著搵錢係勁既，大把人打份工呢世都搵唔到呢舊錢，但佢又真係好彩食正經濟好先槓到幾個物業出黎」、「條女自己都好坦白，摸頂入，以為香港樓只升不跌，佢自己都好清楚自己死因」。
文：Y
延伸閱讀：公屋女住戶憑1計劃申請半年即獲派火炭屋邨！新屋寬敞開揚明言「開心過中六合彩」 網民推測身份惹熱議
