邀港人試飲屢遭冷漠拒絕！日藉老闆遇另類文化差異？網民解畫：香港人需要嘅係空間
發佈時間：16:03 2025-05-07 HKT
不同地方的生活習慣及文化存在差異，與世界各地的人交流時亦會容易因此而產生誤解。香港一間生活概念店趁五一黃金周期間，邀請日本綠茶品牌主理人來港設期間限定店，並向香港客人介紹來自日本靜岡縣的綠茶產品，不過當該位日本老闆邀請港人試飲時，卻因為港人一個出乎意料的反應而感受到強烈的文化差異？
日本老闆來港遇另類「文化衝突」？邀港人試飲反應出乎意料
本地生活概念品牌HowDept在五一黃金周長假期期間，邀請日本綠茶品牌Nodoka Matcha的日藉主理人來港主持期間限定店。由於品牌希望發展國外市場，因此日藉老闆已曾到訪不同國家及地區設店，對不同地方的客人喜好和態度都相當熟悉，可以說是「身經百戰」，然而今次在香港竟然遇上一大難題？
HowDept負責人日前在社交平台發文分享，在與該位日藉老闆一起吃晚飯時，他提到每次誠意邀請路過的香港客人試飲，卻屢屢被冷漠拒絕，讓他百思不得其解：「點解㗎呢？我只係請客人試茶，佢哋都會咁冷漠拒絕？喺台灣或者日本，大家都會好歡迎㗎呢。」
對此，HowDept負責人嘗試解惑，指出香港人對陌生人的熱情往往抱有戒心，特別是消費場合。對許多港人來說，店方過於熱情或主動推介容易讓人聯想到「呃錢」或「硬銷」，故此更傾向「鐘意自己睇，唔好煩我，唔好同我講嘢」，店方更只需講一句「Hello慢慢睇」已經足夠。
他又建議，對港人可以採取「離遠觀察」的策略，等待他們流露出感興趣的身體語言，例如偷偷瞄一眼產品或駐足觀看才上前解說，這樣港人反而會表現得親切，甚至「講兩句就好friend」。他又表示「唔知點解香港人係咁」，或許是香港人講求效率，而且明確知道自己的需要，「冇需要嘅唔好花時間聽你吹水，我秒秒鐘幾百萬上落呀！」
網民精準分析港人心理：買嘢係需要空間
帖文一出隨即吸引網民留言討論，有人認為香港人是需要空間，太熱情反而會令人覺得不自在，「有需要既（嘅）我會自己去搵」；也有大多數網民認同港人較「均真」，擔心試完不買會令情況變得尷尬，而且怕被標籤為「運桔」、「搞搞震冇幫襯」：「陣間試左你咁多野（嘢），覺得唔啱唔想買又唔好意思，好似好cheap搵左你著數，你望實晒，我想走又好似好衰拒絕你咁」、「係怕飲完後唔啱買唔落手，唔想『搞搞震冇幫襯』，又唔想對方做『蝕本生意』」，「因為我唔想試完唔啱又要作個假反應」。
同時也有人認為港人一般對銷售員有戒心，「我未有興趣之前如果你行過黎同我講野我會覺得你想hard sell，想逼我買野」、「傾吓偈認識下係好，但傾完唔買被黑面就唔係幾好受，惡性循環，下次就落咗閘先。」
港人建議1招解決問題：超市姐姐就無呢個煩惱
此外，有網民則提出同樣是試食，但在人來人往的超級市場則沒有這個問題，「同樣係試飲試食，超市姐姐就無呢個煩惱」，對此有網民則回應指，「多幾個人圍觀嘅試食又會感覺好d，起碼注意力唔會單放喺我一個身上，試完走開都冇乜人留意」，建議日藉老闆「直接放張枱喺度，擺啲試食試飲就會自然有人行埋去試。 如果無端端笑口呭呭叫啲行過嘅人試嘢，仲要同佢傾吓計咁，大部分人就會超級有介（戒）心，驚你會怨住住佢sale嘢。」
延伸閱讀：內地旅客幫襯米線店一家四口分2碗 拒達最低消費高呼「我們不服！」 店家讓步仍拒接受？
