鍾培生九龍塘1200呎平台戶豪宅睇樓！露台勁多垃圾嬲到爆粗︰樓上咪揼嘢落街 1句點評講足4次網民嘲離地！

更新時間：08:00 2024-11-24 HKT
發佈時間：08:00 2024-11-24 HKT

33歲的「百億富三代」兼「香港電競之父」鍾培生（Derek），除了不時在社交平台發表偉論外，近期更上載一條新短片帶網民去睇樓，參觀九龍塘豪宅逸瓏一個面積約1200呎的平台戶單位。鍾培生全程以真性情睇樓，笑言這單位有大露台是「我係幾鐘意嘅」，但就有勁多垃圾，激到他要爆粗大鬧︰「樓上咪揼嘢落街XX」。而且有網民亦發現全段片中他有一句點評是重覆了4次，不禁嘲他「好離地！」。即睇鍾培生《培生睇樓團》詳情！

九龍塘1200呎豪宅睇樓鍾培生被露台垃圾激嬲爆粗

點擊睇《培生睇樓團－逸瓏篇》詳情+網民睇法︰

日前，「香港電競之父」鍾培生在社交平台facebook及IG以「有甚麼好方法防止樓上扔垃圾落街？」為題發文，兼上載新短片《培生睇樓團－逸瓏篇》，指幫同事去睇九龍塘豪宅逸瓏一個約1200呎的單位。這單位屬於平台戶，有3房1廳、工人房及大露台，月租約8至10萬。

讚入屋感覺寬敞鍾意露台「鬼死咁大」

甫入單位後，他便表示「入到嚟都幾寬敞，咁我都覺得okay啦」，不過就覺得地板有少少舊，但由於是採用雲石材質，應很容易抹得甩。再來大廳是直達一個露台，喜歡曬大陽的他就笑言「出面有個鬼死咁大的露台，呢個我係幾鍾意嘅」。

然後Derek就帶大家參觀房間，他似乎不太滿意第一間房，指房間太細，「唔知攞嚟做乜X嘅…但如果自己一條友住都OK嘅」。到主人房，套廁、浴缸、衣櫃等齊全，他認為「整體都OK嘅一個人住」。

被露台垃圾激嬲爆粗鬧「樓上冇公德心」

再到另一間客房，這房間有落地玻璃通向露台，他建議可放書枱等物件，但這裡同時有個超大缺點，就是有很多垃圾，令他嬲到要爆粗︰「樓上啲XX成日亂揼嘢落嚟」，包括煙頭、蛋黃，他更大鬧「呢啲就冇得投訴，啲人好冇公德心」。

最後他帶大家參觀連工人房的廚房，他讚廚房新淨，有齊焗爐、雪櫃、爐頭等設備，但略嫌有點舊及多塵，要抹一抹，工人房亦不過不失，「夠用啦一條友住」。鍾培生在片尾亦來個總結，指全屋1200呎已盡用空間，「老細房」亦不算大，更指「一條友住就OK嘅，但可能果度（露台）就要設返個sign呢，唔好揼嘢落街啦XX」。

網民反應兩極嘲鍾培生「好離地」

片段一出，引來不少網民回應。有人大讚鍾培生「Derek其實好勤力，拍到身水身汗」，但亦有網民對於他四度重覆指「一個人住OK啦」是「好離地」，「睇得出佢係好真心，1200呎有啲細」、「對於Derek, 我諗呢啲樓全部都係垃圾」。至於樓上掉垃圾的問題，網民亦有共鳴，表示「住豪宅啲人都掉嘢落街，咁真係幾XX」、「扔野落嚟事少，至怕跳落嚟，香港咪買露台洋樓，隨時變凶宅」、「買頂樓咪無人掉嘢落嚟囉」、「買新樓連低層平台嘅人，九成九唔認識香港樓市，洗任性錢」。

資料來源︰Derek Cheung@fb