羅家英揭夫妻多拗撬自爆想娶後生女 批汪明荃一方面退步 公開19次求婚真相：我唔應承
發佈時間：09:00 2025-08-06 HKT
羅家英近日接受資深傳媒人查小欣的YouTube頻道訪問，除了分享第四度患癌的病況，亦大爆與老婆汪明荃的家事，透露二人其實不多溝通，更不時爭吵。
汪明荃由新聞得知羅家英患癌詳情
羅家英早前自揭第四度患癌，採取不化療、不電療，用藥物控制的治療方式。羅家英在新一集節目中向查小欣分享，雖然他有跟老婆汪明荃提及過病情，但更多詳情估計老婆都是由報導中得知。他說：「佢冇畀意見，不過我諗佢都同意嘅，佢都係出嫁從夫，丈夫話事……何況條命係我嘅，佢點話事啫！」羅家英表示得知再患癌後，只輕輕向老婆提及，「有同佢講過吓，但佢好似唔係好認真，或者好專心咁聽我講，報紙出嚟，佢知得更清楚，之後都冇咩特別傾。」
相關閱讀：羅家英四度患癌首爆性慾全失逾4年因切走一部位 花光積蓄治病「汪明荃冇幫過手」：佢冇講過要幫
羅家英：好多濕碎嘢要拗
汪明荃與羅家英相處方式是給對方很大自由空間，羅家英透露老婆知道他愛按摩，更會為他訂房按摩，不過近年按摩癮大減，於是買了按摩器代替人手為他「鬆筋」。羅家英透露，與汪明荃其實也有不少拗撬，在他心目中，汪明荃是個「硬頸」、有自己主見及善良的人，但亦由於老婆好有主見，因此會多爭吵，而最常爭吵的都是有關粵劇的東西。他說：「佢改變咗我肯同佢講道理，以前我唔鍾意同人辯論，以前大家嬲爆爆，坐喺度唔出聲，而家唔係喇，坐喺度……講啦！好多濕碎嘢要拗，大家講道理啫，你要聽就聽，唔聽咪算數。都係粵劇啦，佢鍾意做戲、拍劇、唱歌、跳舞，但佢唔係好鍾意做粵劇，唔係放好多時間落去，冇其他範疇咁多。」
相關閱讀：唐佳雪妮設靈丨汪明荃羅家英拖手到場致哀 黃宗澤哀傷送別前輩
移英男星曾獲汪明荃羅家英以報紙包鈔票相助？
汪明荃曾抱怨羅家英不稱讚
他更指汪明荃做粵劇退步不少，「佢唔係好想我教，我認為佢唔好，可以好啲！跌咗分，如果佢喺87、88年同我做《穆桂英》有90分，佢而家最多得返70分。」說到他的專業範疇，羅家英連老婆都「冇面畀」，「佢又係鬧我囉，話我唔讚佢囉，我又係好衰，我係唔鍾意讚人，我好衰。」
相關閱讀：前TVB移英男星返港探恩人 汪明荃羅家英曾以報紙包厚厚千元鈔票助解困 兒子撞樣張與辰死敵
羅家英公開19次求婚真相
外界不少人都認為汪明荃是一個難接近的人，羅家英指老婆心腸好，雙方並沒有說誰追求誰，而是彼此慢慢接近。他說：「佢能夠同我拍拖，咁我有啲感恩嘅。」至於一直被指曾向汪明荃求婚19次，他說：「邊有啲咁嘅事，呢啲係同啲記者做新聞啫，不如話佢求我結婚，我唔肯應承19次？」羅家英透露近來工作安排，表示正與友人合作處理劇本《柳如是》，「以前陳演恪嘅《柳如詞卷》，因為我覺得我個年紀好適合做詞卷編譯，因為佢成70歲搵柳如是做老婆，咁……係大家男人嘅心願（娶嫩妻）。」羅家英笑指估計又會被汪明荃指他亂說話，不過他早已習慣。
