專欄 蘇蝦仔|紅魔唔等得 重金簽拉文斯補短板
更新時間:10:30 2025-08-30 HKT
發佈時間:10:30 2025-08-30 HKT
發佈時間:10:30 2025-08-30 HKT
睇完巴恩迪亞對富咸時,10個角球9次失位;之後再睇到奧拿拿面對乙組仔,先失近柱,後再出迎錯誤,就知道曼聯一定要買門將。而家去到下一個問題,就是從安特衛普買辛尼拉文斯,佢應付高波得唔得,從比甲簽入級數夠唔夠?比利時最頂級新生代門將巴恩迪亞高6呎6吋,身形絕對出眾,但應對高空波的能力相當差,最重要係無霸氣。而辛尼拉文斯就高6呎4吋,矮過巴恩迪亞,但比奧拿拿高3吋,這身高係歐洲守門員的黃金高度,兼備靈活性、對抗和制空力。
當然這只是理論數字,還要看實質數據。辛尼拉文斯去季在比甲的成功撲救率為81.4%,是整個聯賽最高,把關技術在比利時新生代門將是最頂級,比利時國內已認為他是泰拔高圖爾斯的接班人。還有一個數據要留意,就係面對傳到入禁區的傳中球,他有13.2%能夠成功阻止,是去年5大聯賽以外歐洲聯賽最高,制空權有保證。相比之下,奧拿拿去季英超的撲救成功只有68.9%,成功阻止傳中球的比率僅得5%,完全無得比。
比甲得唔代表英超得?單論門將這位置,不少從較低水平聯賽來到英超的球員,都可以迅即適應無水土不服的問題,最新的例子就是諾定咸森林的沙斯,法甲到來僅一季半,就拎到英超金手套獎。辛尼拉文斯有成功的條件,加上曼聯的處境唔等得,這2000萬鎊點都要使﹗蘇偉業
最Hit
內地客深夜滯留香港流落街頭 幸獲茶記老闆收留 2大暖心行徑獲讚「温暖善良」 網民:美好的記憶
2025-08-29 15:45 HKT
港男將軍澳隱世拉麵店跌銀包 店主靠1招通知尋回 網友大讚誠實:咁好人要去支持下!
2025-08-29 15:56 HKT
陳自瑤王浩信被證實離婚? 楊茜堯受訪疑爆響口:你陰我! Yoyo即黑面斥王鎮泉:剪咗佢!
2025-08-29 11:55 HKT
視帝女兒情緒崩潰影響身體 前妻指細女由國際學校轉讀傳統學校跪地爆喊:唔返學呀
2025-08-29 11:00 HKT