林子祥驚爆有悲慘童年！遭醫生爸爸遺棄英國成孤兒 自力更生曾淪落街頭：一罐罐頭做一餐
發佈時間：09:00 2025-08-30 HKT
殿堂級歌手的77歲林子祥（Lam）與63歲葉蒨文（Sally）結婚逾28年，經歷過不少風波，但二人攜手走過婚變危機，近年更有影皆雙，越來越恩愛。二人將會今年10月合體在紅館舉行一連五場的《白頭到老WE ARE ONE》演唱會-香港站，近日二人頻頻合體宣傳。
林子祥有悲慘童年
日前二人接受查小欣的YouTube頻道訪問，出生於醫學世家的林子祥，本來有幸福童年，可惜在4歲的時候，父母決定離婚，當時他和弟弟跟隨母親生活，不過林子祥讀中一時，因母親離開香港到美國去，兩兄弟便開始寄宿生活，直至1965年再被安排到英國讀書，一度與細佬流落街頭「飯都冇得食」。
相關閱讀：林子祥高顏值新抱罕出鏡與老公合體掘金 鬼妹仔性格笑容甜美被指有奶奶葉蒨文影子 曾獲選清酒小姐
在節目上，林子祥談及在英國的生活，他坦言有一段時間是沒有東西吃：「嗰陣冇錢，做孤兒仔，屋企冇寄錢畀我哋，畀學校踢咗出嚟。雖然我爸爸係醫生，但係佢唔想寄錢，佢送咗我哋嗰度，我諗佢搞唔掂自己啲錢，所以寧願由我哋自己去求生。（點樣我生存？）我咪自己出去搵嘢做，乜都做，麥當勞又做過，派報紙、又幫人家執屋，Harrods、Dorchester全部做過，搵到幾多都食晒，仲要租間房間都要四、五磅，要做好多嘢先搵到錢，嗰段時間都幾陰功。」
葉蒨文續說：「有次去英國那時候，我哋成日坐地鐵，有一次佢同我話就係呢個地鐵，嗰陣有一個人揼低我哋兩兄弟，邊講邊喊話係喺呢個位，我都冇諗過係嚴重。」捱了差不多4年，林子祥總算捱出好日子：「我到而家都係鍾意呢個地方，因為係捱得最辛苦，我唔會覺得係惡夢，捱嘅時候又唔覺得好辛苦，嗰陣真係一罐罐頭做一餐，乜嘢都唔識，（有冇求救？）可以搵邊個？求救即係乞食。」直到1975年，林子祥返港加入玉石樂隊，翌年推出首張英文專輯《Lam》，其後推出過多張廣東專輯，到了1980年憑《在水中央》及《分分鐘需要你》在頒獎禮成為當年的大贏家，奠定他天王巨星的地位。
相關閱讀：77歲林子祥面歪照惹擔憂 兒子林德信代父回應身體狀況：佢上到台就可以越唱越XX
