港男將軍澳隱世拉麵店跌銀包 店主靠1招通知尋回 網友大讚誠實：咁好人要去支持下！
更新時間：15:56 2025-08-29 HKT
發佈時間：15:56 2025-08-29 HKT
發佈時間：15:56 2025-08-29 HKT
字體大小
拾金不昧是美德，拾到失物而盡力尋回失主更加難得。有港男分享最近遇到的好人好事，指早前於將軍澳一間隱世拉麵店用餐後遺下銀包，而店主發現錢包後，即主動透過PayMe的一個功能聯繫事主，成功歸還失物，引來不少網民大讚誠實又善良，更指：「咁好人要去支持下！」
港男將軍澳隱世拉麵店跌銀包 店主靠PayMe一功能通知尋回
事緣事主昨日（28日）下班後前往將軍澳美食廣場的拉麵店用餐，用餐後，他未有察覺褲袋無拉鍊，導致錢包不慎掉落，離開時也未有發現。事主隨後到達將軍澳地鐵站時，收到一則來自PayMe訊息，原來是拉麵店店主向事主過數，利用備註功能通知他遺失了錢包。
事主指自己「即時9秒9沖（衝）返去間舖頭」，到達時發現錢包被店主妥善保管「好好彩個店主幫我執返。」又指「入邊所有錢都冇唔見，信用卡都冇唔見。」事主被店主的善意舉動深感感動，於是將經歷放上Threads分享，表示：「我覺得而家呢個世代有咁好嘅人，已經好難得。」
網友大讚誠實：咁好人要去支持下！
事主的經歷引起網民關注，大讚店主誠實又善良：「看得我心裡都暖了，這年代能遇到這麼誠實又善良的店主，真的很難得，將軍澳要加分！」、「要試下先得」、「因為你呢個post我會去幫襯。」、「仲特登pay你remark番，幾醒喎！」亦有人力推小店出品：「啱啱食完呢間，真係好食。」
來源：Threads
延伸閱讀：內地客深夜滯留香港流落街頭 幸獲茶記老闆收留 2大暖心行徑獲讚「温暖善良」 網民：美好的記憶
