薩莉亞偷飲汽水放題會被捉？前員工揭店長指令要巡查埋單加錢防「走數」網民不解：$13都要慳？

更新時間：13:09 2026-08-26 HKT
發佈時間：13:09 2026-08-26 HKT

連鎖意式餐廳薩莉亞設有飲品吧，每位成人顧客只需支付$13，即可無限暢飲多款飲料，性價比極高。然而，有網民早前在社交平台發文，好奇若未有付款購買卻自行取用飲料，究竟「真係畀人捉過？」此話題隨即引發熱烈討論，不少人分享親身目擊及被誤會的經歷，更吸引自稱前員工出面爆料。

薩莉亞偷飲汽水放題會被捉？前員工揭店長指令要巡查

事緣，有網民在社交平台Threads上發帖提問，好奇顧客在薩莉亞未點「自由飲」卻自行拿取飲料時，店員會否即時制止或採取行動。帖文發出後，迅速吸引大量網民留言迴響。

根據多名網民的描述，餐廳職員確實會嚴格檢查。有網民分享日前用餐經歷，指當時店內僅有4張枱有客，其中一名「目測10歲左右嘅男仔」坐低後不久便去斟可樂，經理起初未有出聲，直到男仔第二次去斟飲料坐落座位後，經理隨即上前提醒：「飲汽水要加自由飲嘅錢，幫你加返啦。」

亦有自稱前員工的網民現身說法，表示店長通常會要求員工檢查顧客是否有點飲品吧，坦言：「不過講真，其實係會有人捉嘅，我見其他staff都會正常捉」。此外，有網民目擊外傭帶同小朋友用餐，因姐姐喝了小朋友飲不完的飲料，被職員即時提醒「咁樣要加返成人飲品。」亦有人指「見過有2個內地人被人捉到，職員行過來話要加翻錢」、「有㗎，前排見到有個職員拎住部機，去我隔籬枱，指住枱面三杯飲品，我估就係幫佢哋加返三個飲品吧。」

除了直擊偷飲被捉的場面，亦有顧客分享了被職員誤會「走數」的無辜經歷。一名事主表示，自己一家四口，包括一名2歲及一名6歲小朋友到場用餐，並已按規矩點選相應的飲品吧。然而一名職員突然表示：「你哋咁多人，淨係叫左兩個飲品吧，我而家幫你地加番。」並即時準備以部機操作加錢。不過事主解釋「2歲原本就免費，況且2歲既冇飲。6歲嘅我（已）叫左兒童飲品吧。」經事主澄清後，該名職員反覆數人頭及對機檢查數次，最終才留下句「唔好意思」離去。事主形容當刻感到「「超級超級超級尷尬，好似我走數咁。」

網民斥面皮厚：$13都要慳？

另外亦有不少網民斥「偷飲」行為小家，直指：「10幾蚊就可以任飲，出面有啲cafe都加唔到一杯嘢飲，咁都要偷雞就真係衰過乞食」、「cheap到爆」、「面斥不雅」、「有幾窮先會咁做」、「唔關窮事，係人格問題，真人cheap做壞晒啲規矩」、「你面皮都幾厚」、「其實飲品吧都唔係好貴，加唔起咪飲水真係無必要咁」

亦有人分享遇到的離譜經歷：「曾經見過一家三口，兩大一細食野，一人一杯汽水飲緊，店員查機見無加飲品，已行埋去話幫佢地加番，兩個大人即無恥地話只小朋友飲，佢地無飲，隨即將佢哋面前杯汽水推去小朋友面前，店員即時呆咗，為左廿幾蚊可無恥到無極限。」

來源：Threads

文：M