茶餐廳術語「凍大個仔/凍大個女」係乜？原來指這2款飲品網民：呢啲買少見少

更新時間：15:18 2025-10-16 HKT
發佈時間：15:18 2025-10-16 HKT

香港茶餐廳術語「博大精深」，就算是業界人士都未必完全了解，更不時成為網上熱話。近日，有網民於社交平台分享一張疑為來自茶餐廳的餐單，在飲品一列上面寫有「凍大個仔」及「凍大個女」，到底這兩款飲品是甚麼？有自稱從事飲食業30年的老行尊都表示「未聽過」！詳情即看下文！

食客求問茶餐廳術語「凍大個仔/女」原來典故源自小朋友？

近日，有食客於社交平台上載圖片，圖為茶餐廳的飲品餐單，好奇圖上列出的2款飲品「凍大個仔」及「凍大個女」究竟是甚麼，於是向廣大網民求助：「有冇邊位朋友知道係乜？」

帖文隨即引來不少網民熱議，有人指是「好立克加阿華田」以及「朱古力加美綠」，解釋是因「小朋友唔飲得咖啡/奶茶，呢兩款係模擬為咖啡/奶茶，俾小朋友飲的。」不過，有熟知茶餐廳術語的網民表示，「好立克加阿華田」以及「朱古力加美綠」並非「凍大個仔」及「凍大個女」，而是凍咖啡及凍奶茶，因兩者均含有咖啡因，小朋友要「大個咗先飲得」，因而衍生出「凍大個仔」及「凍大個女」這兩個茶餐廳術語。

網民激辯茶餐廳術語文化老行尊都未聽過「凍大個仔/女」？

不少網民就茶餐廳術語留言展開激辯，有人認為「其實呢D（啲）係香港懷舊嘅文化，好應該一代傳一代」、「最緊要能夠保住廣東話文化，以前嘅茶樓酒家，咪又係大把中菜用古靈精怪名，睇完都估唔到係乜東東喇。」但亦有網民不認同「凍大個仔/女」是懷舊茶餐廳術語，「絕對唔懷舊，以往從來冇聽過」，又有自稱從事飲食業30年的網民表示，「從未聽過或同行有這個用語！」

文：TF

資料及圖片來源：香港茶餐廳及美食關注組@facebook