串燒店竹籤有「神秘印字」？食客1原因狠批「智商稅」網民嘆：一見呢款竹籤就知無下次

更新時間：16:57 2025-10-08 HKT
發佈時間：16:57 2025-10-08 HKT

串燒向來是不少港人的宵夜首選，貪其選擇多又可以與三五知己小酌一杯。不過，最近有食客在社交平台投訴本地多間串燒店使用預製貨，而且定價不算便宜，「有次叫雞皮20幾蚊一串，結果比呢啲貨色我」，直言「真係智商稅」。事主又指如果可以品嘗真正的雞皮串燒，自己不介意多付金錢，惟結果不如所願，「結果我用咗一個貴嘅價錢食啲XX嘅貨色」，對此大感不滿。

港人怒轟本地串燒店用預製貨變「智商稅」：唔止一間半間！

最近，有港人在社交平台發文大呻最近發現不少本地串燒店使用預製菜，直言「放題食到呢啲預製交貨嘅串燒我真係覺得無所謂」，但對於串燒店轉用預製貨取代新鮮食材，對此大感不解，「點解而家連串燒店都比（俾）呢啲貨人」，又形容並非單一事件，「唔止一間半間，試過幾間都係咁」，而且串燒價錢不算便宜，「有次叫雞皮20幾蚊一串，結果比（俾）呢啲貨色我」，狠批是「智商稅」。

樓主補充，他為了可以吃到新鮮即製的雞皮串燒，不介意多付金錢，惟最近的經歷令他非常失望，「結果我用咗一個貴嘅價錢食啲戇X嘅貨色。我條氣真係好X唔順」，又向廣大網民求助，「到底仲有冇一間雞皮係新鮮雞皮自己燒自己醃，有嘅麻煩大家通知聲等我去試。」

網購急凍生雞皮串低至$2/串網民：一見到來貨竹籤就知無下次

事件迅速在網上發酵，有網民認同樓主的意見，「我明！我都好鍾意食雞皮，我叫日式串燒50蚊一串都係俾依d（啲）」，「明！！一見到來貨竹籤就知無下次，去飲茶都避開全部來貨點心」，直言「喺香港食任何一間串燒都係智商稅，留返日本食算。」有人則指出串燒店使用的預製貨質素亦不算上乘，而售價亦比來貨價高出不少，「宜家啲人連叫貨都唔叫好啲，呢隻係平貨好cheap果隻，其實日本果隻厚身雞皮串黎貨都係5蚊串。咁既貨賣20蚊賺死佢。」

翻查資料，樓主提及的一款急凍生雞皮串在本地網購平台有售，正價$32/10串，優惠價$20/10串，平均每串低至$2。

另一方面，有網民分析餐廳使用預製貨的原因，歸咎於經營成本上升，以及人手不足，「人手醃雞皮串雞皮燒雞皮，你知唔知依家啲人工幾貴？請少幾個人叫貨返黎咪慳好多囉，或者請唔到人唔夠人做咪要叫貨。」另有網民認為價錢尚可接受，「呢個價錢現成串燒都可以接受，最緊要真係慢慢燒，唔好係微波爐叮叮+燒/拉油就得。」

來源：Threads