瑞幸咖啡「整頓」連鎖咖啡店？食客驚訝每杯$20有找「原來咁抵飲」 網民反指1缺點：真係無下次
發佈時間：10:15 2025-09-20 HKT
近年有內地餐飲品牌看準時機進軍香港，其中手搖飲品及咖啡市場競爭激烈，不少更以平價作招徠，吸引食客光顧。最近，有網民在網上論壇分享對內地連鎖咖啡店「瑞幸咖啡」來港開店的看法，表示起初不明白為何能夠吸引人排隊，後來發現品牌的咖啡售價便宜，質素亦不算差，更會推出長期優惠，驚訝「原來係咁抵飲」，相對本地其他連鎖咖啡店性價比更言。對此網民各有意見，惟有人指出一缺點狠批「真係無下次」，即睇詳情。
瑞幸咖啡「整頓」連鎖咖啡店？食客驚訝$20有交易「原來咁抵飲」
有網民在「連登討論區」以「瑞幸呢排真係癲咗」為題發文，指近日發現瑞幸咖啡的澳白咖啡（Flat White）售價只需$19.9，更是長期優惠而非限時推廣，認為咖啡質素不俗，有助提升消費吸引力，「仲幾香濃，唔會話因為平就偷工減料」！
樓主直言，原本對品牌不時大排長龍的原因感好奇，經過這次體驗後驚訝發現「原來係咁抵飲」，又指出平時在咖啡店買一杯咖啡動輒需逾$30，「而家慳返十幾蚊，日日飲都唔肉赤。」對於在物價高企的香港環境下，平價咖啡可說是甚為罕見，「今時今日香港，仲有咁平嘅咖啡飲，唔知佢會唔會突然加返價，真係要珍惜。」
惟他亦指出瑞幸咖啡的不足之處，「唯一要彈嘅係，佢啲分店唔算多，有時要特登行過去先買到。」瑞幸咖啡為中國連鎖咖啡品牌，於2024年底進軍香港市場，目前在香港島、九龍及新界開設多間分店，包括旺角、尖沙咀及將軍澳等。品牌不時推出優惠，只要經官方應用程式訂購即可享額外優惠，最平$15.9就可以買到咖啡，相信對本地咖啡店造成一定的挑戰。
網民反指有1缺點：真係無下次
對於樓主的看法，不少網民對瑞幸咖啡的定價策略及質素展開熱烈討論。有網民表示內地品牌攻港多以平價作招徠，「不嬲佢都係用平價去打市場，唔好話佢，應該話所有內地嘅平台或者生意都係用平價嚟霸佔市場。」有網民則指出瑞幸咖啡的出品質素不如樓主所形容，「得罪講句，真係好難飲」、「初初開個陣試過一次，杯凍美式淡過貓尿。」
而在進軍香港市場後，支付方式亦是消費者關注的一環，有人指出咖啡雖然便宜，但不收現金及八達通在香港或成「硬傷」，「抵，但佢連最基本既（嘅）現金、轉數快、八達通同PayMe都唔收，都唔知係咪黎香港做生意」、「信用卡仲煩，每次買都要你填大量資料，呢啲咁既XX體驗真係無下次」。
來源：LIHKG
同場加映：中環蘭桂坊喜茶開業未夠2年「無聲結業」！又一內地茶飲店攻港敗走？網民極震憾︰大事不妙
