港人食溫野菜不滿雞皮有毛分店經理咁處理獲讚專業網民：佢係咁多間最好service

更新時間：15:28 2025-09-10 HKT
發佈時間：15:28 2025-09-10 HKT

近年香港餐飲業的服務態度不時備受討論。日前有港人在社交平台發文分享在連鎖日式火鍋店「溫野菜」的用餐經歷，表示當日點選了一份雞皮，惟進食突然發現「有毛」，隨即向店員反映，並獲分店經理迅速處理應事件，獲網民大讚態度認真專業，就連老闆黃傑龍亦留言表示「睇到大家啲回應真係令我好滾動！」

港人食溫野菜不滿雞皮有異樣分店經理1方式迅速解決

有食客在社交平台發文，表示於日前惠顧「溫野菜」，當時下單點了一份雞皮，惟途中「食食吓食到粒有毛嘅」，直言「諗咗一陣」還是決定向店員反映情況，「想反映吓食到有毛。」而當時店員則回覆表示「稍等一下，我叫經理處理」，隨即轉身通過對講機聯絡分店經理。

據事主描述，不久後就看到分店經理前來跟進事件。當時，經理先解釋餐廳的雞皮由日本空運到港並直接供應給客人，同時表示已到廚房了解食材情況，「去廚房拆咗一包新嘅都發現有依個情況」，指會將商品下架及向總部反映情況，同時為事主免費取消雞皮的訂單，「依份雞皮幫你取消返，唔好意思」，迅速對應化解食客的不滿。

網民讚專業：真心好好態度 CEO黃傑龍：真係令我好滾動！

帖文公開後，隨即吸引不少網民熱烈討論，有人大讚餐廳經理的回應態度及處事手法俱佳，「回應同處理都好好喎」；雖然帖文未有提及分店地區，不過有食客憑經理的英文名字推測為尖沙咀K11 Art Mall分店，並表示經理的服務態度認真「抵讚」，「有次同朋友去食，同經理反映件魚餅定豆腐變咗酸味，佢即刻拎入廚房試埋另外半塊，然後出嚟話嗰半塊真係變咗味，廚師開埋同一批魚餅出嚟試，雖然冇變味，但係都成包掉咗，仲出返嚟同我哋交代，取消埋我哋份魚餅，最後仲請我哋食甜品，真心好」，更直言「佢應該係咁多間溫野菜入面最好service嗰個」。

有網民則分享同類型經歷，「上星期去海港城店叫咗個沙律加炸雞皮，但雞皮食落益咗，經理都即刻換番個新同退番雞皮錢」，認為整體餐廳服務質素都相當不俗，而「溫野菜」老闆聚福樓集團CEO黃傑龍亦有回應帖文，對不少食客肯定旗下餐廳員工的服務質素感欣慰，更表示「睇到大家啲回應真係令我好滾動（感動）！」

來源：Threads