西環新「茶樓」喜勢點逆市出新招！點心可逐粒叫+免加一網民大讚︰勝在食到多款式

更新時間：17:08 2025-09-07 HKT
發佈時間：17:08 2025-09-07 HKT

在逆市下，不少連鎖餐廳及酒樓都面臨經營挑戰，難免要縮減規模或者要變招吸客。近日有網民在社交平台發文，表示西環石塘咀新開業的新派點心專門店「喜勢點」，就推出點心逐粒叫及不設加一的新招應市，引來不少茶客去湊熱鬧，即睇內文新店詳情！

西環「喜勢點」點心專門店逆市推吸客新招！蝦餃/燒賣/叉燒包逐粒計

港人對飲茶情有獨鍾，經常會去酒樓歎返一盅兩件。近日有網民於facebook社交專頁「香港點心關注組」中發文，推介一間位於西環石塘咀的點心專門店「喜勢點」。這間新派點心店剛於7月開業，最大特色是點心可逐粒、逐件或逐小份叫，而且不設加一，每位茶芥只需$6。

據網民上載的點心紙所見，點心種類也頗多，有蒸點、包點、煎、炸、焗點，並有腸粉、蒸飯、粥及甜品等。不過網民就指，點心味道不錯，「但因為逐件計，價錢不算便宜」，如潮州粉果$7/粒、陳皮牛肉球$8/粒、蠔皇叉燒包$8/個、蟹籽燒賣$9/粒、海苔蝦餃$10/粒、豉汁蒸排骨$14/份，以及花膠素翅灌湯餃$45/粒等，每籠一粒，即叫即蒸。

網民讚好︰一個人去係多咗選擇

至於蒸飯等就由$26起，另設有$40粥腸套餐，包括一碗皮蛋瘦肉粥、一款腸粉及2款點心。網民續指，「如果食量細，呢度就很便宜」，如點一個叉燒包或盅頭飯，連茶位後，幾10蚊就搞掂早午餐，惟現場座位較逼夾。帖文一出，引來不少網友回應，有人指「一個人去係多咗選擇」、「逐粒叫幾好，一人食友好」、「勝在食到多款式」，但亦有網民表示，如果一大班人去食，「就好似貴啲」，而且相對較細份。

資料來源︰香港點心關注組＠fb