港女預約餐廳到場驚見吉舖？怒斥遷舖無通知店方1回覆惹網民反感事後急發千字文致歉

更新時間：15:26 2025-08-28 HKT
發佈時間：15:26 2025-08-28 HKT

預約餐廳後到場驚見「吉舖」？有港女於社交平台發文，指日前經飲食平台預約一間日式餐廳，然而當日抵達後赫然發現餐廳憑空消失，隨即聯絡店方才得知餐廳已由九龍區遷至港島區，而各大飲食平台及訂位網站均未有更新地址，直斥「姐（啫）係搬左（咗）可唔可以講聲呢？」事主同時公開店方的回覆，惟1回應惹來網民反感；餐廳方面事後亦急忙向事主發千字文致歉，詳情即看下文！

預約餐廳到埗後驚見「吉舖」？訂位網站無更新地址食客斥：可唔可以比返少少交帶？

近日有港人於社交平台發文，指早前以網上訂座方式預約一間位於尖沙咀的日式餐廳，雙方亦有透過WhatsApp確認訂位資訊。惟於預約當日，事主抵達餐廳後才驚覺餐廳竟是「吉舖」，隨即聯絡餐廳：「你哋係唔係執左笠啊？」惟店方先以「笑喊」表情符號回覆，再指「我地（哋）搬左（咗）舖頭」、「去左（咗）灣仔」、「地址可以參考返Profile」。

事主直言「落埋booking confirm埋，去到發現搬左（咗）」，對此「非常失望」。而店方曾提出「地址可以參考返Profile」，惟事主翻查飲食平台、WhatsApp個人資料頁及社交平台等，均發現未有更新地址，形容「咁樣真係製造好大誤會」，又斥「開餐廳可唔可以比（俾）返少少交帶？」

不少網民對於店方以「笑喊」表情符號回覆表示反感，「餐廳回覆嘅笑到喊emoji，勁乞人憎」、「都幾犀利，仲叫你特登去返profile睇」、「都幾癲，道歉都冇句」、「佢真係自製PR災難，一般要confirm booking嗰陣唔係應該提供埋地址畀（俾）客嘅咩？」

餐廳急發千字文致歉撲火「不負責任地疏忽」願免費招待另賠車馬費

在事主於社交平台發文怒斥涉事餐廳遷舖無通知後，店方隨即在留言區以千字文致歉，承認是次為「不負責任地疏忽，冇及時喺各大平台同埋訂座網站度更新地址」，並表示已聯絡預約網站等平台了解更改地址進度。

店方又指，「客服同事嘅回覆亦都係非常唔恰當，無論係emoji定係文字上嘅回覆都令事件火上加油」，已即時聯絡相關同事檢討。餐廳方面表明「完全係我哋店舖嘅責任，責無旁貸」，邀請事主再臨餐廳作免費招待，並「盡量地賠償返你嘅時間損失同埋車馬費」，亦表明「點餐上亦唔會有任何限制」。而事主亦有就餐廳的道歉回應，惋拒賠償，並表示「改返地址就得」。道歉文更成功引來鍾培生留言，「100分，劉德華講嘅就係要呢啲。」

其後，店方再在其官方社交平台發文，指WhatsApp因「交咗俾第三方嘅訂座平台管理，佢哋需要幾日嘅時間去處理」，因而未能立即更新地址。

文：TF

資料及圖片來源：threads